खारघर येथील जिल्हा परिषद शाळेला भूखंड द्या- प्रीतम म्हात्रे
| पनवेल | विशेष प्रतिनिधी |
स्मार्ट शहर म्हणून ओळखल्या जाणाऱ्या खारघर शहरात गरिबांच्या शिक्षणाची दुरवस्था झालेली दिसून येत आहे. खारघर सेक्टर 34 येथील फरशीचापाडा गावातील रायगड जिल्हा परिषद प्राथमिक शाळेची अत्यंत दुरवस्था झालेली आहे. गळके छत, पावसाच्या पाण्याने वर्गात होणारा चिखल, अंधाराचे साम्राज्य यामुळे येथे शिक्षण घेणारे विद्यार्थी आणि शिक्षण देणारे शिक्षक यांना याचा फटका बसत आहे. त्यामुळे या शाळेला भूखंड उपलब्ध करून देऊन शाळेचे पुनर्वसन करण्यासाठी प्रस्ताव तयार करण्याची मागणी पनवेल पालिकेचे माजी विरोधी पक्षनेते प्रीतम म्हात्रे यांनी पालिका आयुक्ताांकडे मागणी केली आहे.
येथील शाळा ही धोकादायक स्थितीत असल्याने भविष्यात कोणतीही दुर्घटना घडू शकते. ही शाळा खासगी मालकीच्या जागेत असल्याने दुरुस्तीसाठी पनवेल महानगरपालिका परवानगी देत नसल्याने जिल्हा परिषदेकडून आलेला निधी परत गेला आहे. त्यामुळे शाळेची दुरुस्ती न केल्याने आज धोकादायक स्थितीत शाळा आहे. याचा विद्यार्थ्यांच्या शिक्षणावर परिणाम होत आहे. स्मार्ट विजन ठेवणाऱ्या पनवेल महानगरपालिकेच्या क्षेत्रात शाळेची ही दुरवस्था झाली असल्याने महानगरपालिकेने या शाळेसाठी नवीन भूखंड उपलब्ध करून या शाळेचे पुनर्वसन करावे, तसेच तात्पुरती खारघर प्रभाग कार्यालयात शाळा स्थलांतरित करण्यात यावी, अशी मागणी प्रीतम म्हात्रे यांनी केली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.