तीन दिवसांत तीन लाखांहून अधिकांनी पाहिले गाणे
| अलिबाग | प्रतिनिधी |
डॉ. राजेंद्र चांदोरकर यांच्या डॉ. राज प्रॉडक्शन्स तर्फे निर्मितीस उतरलेलं ‘गो माझे बाय’ हे गाणं या आठवड्यात त्यांच्या dr rajendr chandorkar या यूट्यूब चॅनल वर प्रदर्शित झालं. या गाण्याने प्रेक्षकांची मने जिंकली असून, तीन दिवसांत तब्बल तीन लाखांहून अधिकांच्या पसंतीस उतरले आहे. कोळी बाजाच्या या गाण्याची सोशल मीडियावर धूम आहे. मागच्या पंधरावड्यात या गाण्याचा ऑडिओ व टीझरचे अनावरण पी.एन.पी कॉलेज येथे झालेल्या महागरब्याच्या कार्यक्रमात अलिबागचे माजी नगराध्यक्ष प्रशांत नाईक व पीएनपीच्या कार्यवाह चित्रलेखा पाटील यांच्या उपस्थितीत पार पडले होते.
डॉ. राजेंद्र चांदोरकर यांनी स्वतः हे गाणं सोनाली सोनावणे यांच्याबरोबर गायलं आहे. गाण्याचं रेकॉर्डिंग वरुण भगत यांनी केलं असून, मनिष अनसुरकर यांनी गीतबद्ध केलेलं हे गीत सुनील म्हात्रे व सुदेश गायकवाड यांच्या सहकार्याने त्यांनीच स्वरबद्ध केलं आहे. गाण्याला कोळी बाज असल्याने तसेच मराठी, काही ओळी हिंदी/इंग्लिश असे मिक्सिंग असल्यामुळे गाण्यात एक वेगळंपण आलं आहे. एकदा ऐकूनही गुणगुणायला लावणारे हे गीत लगेच ठेका धरायला भाग पाडेल, असं बनलं आहे.
सध्याची इन्स्टा फेमस जोडी प्रतिभा जोशी व तन्मय पाटेकर यांनी आपली छाप या व्हिडीओ साँगमध्ये पाडली आहे. दिग्दर्शन सचिन कांबळे यांचं, संकलन विशाल गायकवाड, सिनेमॅटोग्राफी सुनीत गुरव/विक्रांत मुंबईकर, तर सहदिग्दर्शन व इतर सहकार्य समीर गायकवाड व आशिष बनाटे यांनी केलं आहे. डॉ. राजश्री चांदोरकर व डॉ. राजेंद्र चांदोरकर हे कपलसुद्धा महत्त्वाच्या भूमिकेत दिसतात. तन्मय व प्रतिभा यांची प्रेक्षकांना खिळवून ठेवणारी नृत्यकला, उत्तम सिनेमॅटोग्राफी, उत्तमोत्तम लोकेशन्स तसेच मनाला भावणारी लव्ह स्टोरी एकदम जुळून आली आहे. तीन दिवसांत एक लाखाच्या वर लोकांनी पाहिलेलं हे व्हिडीओ साँग सर्वांनी dr rajendr chandorkar या यूट्युब चॅनलला भेट देऊन पाहावं, असं आवाहनन डॉ. चांदोरकर यांनी केलं आहे.
सध्या यूट्यूबवर ट्रेंडिंग मराठी साँग्जपैकी एक असलेले ‘गो माझे बाय’ हे गाणं विविध ऑडिओ प्लॅटफॉर्म्सवर उपलब्ध आहे व व्हिडीओ साँग सर्वांनी जरुर पाहण्यासारखे आहे.
आतापर्यंतची निर्मिती
आत्तापर्यंत चार आंतरराष्ट्रीय प्राईज मिळालेलं बाबाची सोनपरी, मेरे हमसफर हे व्हिडीओ साँग्स, तसेच इवलीशी इच्छा, घे उंच भरारी, लेक तू लाख मोलाची या शॉर्ट फिल्म्स तसेच इतरही आरोग्यविषयी उपयुक्त व्हिडीओज या चॅनलवर आपल्याला पाहता येतील.