। भाकरवड । वार्ताहर ।
अलिबाग सायकल क्लब च्या वतीने ग्रुप एव्हरेस्टिंगचे आयोजन करण्यात आले होते. एव्हरेस्टची 8848 मीटर ही उंची सायकलवर गाठणे याला सायकल एव्हरेस्टिंग असे म्हणतात. हे जगभरात कुठेही करता येत. सायकल स्वाराची शारीरिक आणि मानसिक क्षमता तपासणारे हे एक वैयक्तिक आव्हान आहे. अलिबाग सायकल क्लब मधले सोळा सायकल पट्टू असे आहेत त्यांनी हे आव्हान वैयक्तिक स्तरावरही स्वीकारले आणि यशस्वीपणे पूर्ण केले आहे. गेल्या 2 वर्षात 15 जणांनी हा पराक्रम करत अलिबाग सायकल क्लब चे नाव सायकल जगतात ठळकपणे नोंदवले आहे.
हे वैयक्तिक आव्हान नेमके काय आहे याची थोडीशी झलक अनेकानी घ्यावी या हेतूने या वैयक्तिक आव्हानाला सामूहिक स्वरूप दिले गेले. गेली दोन वर्ष ग्रुप एव्हरेस्टिंग हा एक वेगळा उपक्रम अलिबाग जवळच्या कार्ले खिंडीत केला जातो आहे. सायकल जगतामधला अशा प्रकारचा पहिलाच उपक्रम आहे. सायकल प्रेमींना या प्रकाराकडे ओढण्यासाठी अलिबाग सायकल क्लब तर्फे गेले 2 वर्षे 13 मार्च या दिवशी हे ग्रुप एव्हरेस्टिंग केले जाते आहे.
यंदाचे हे तिसरे वर्ष होते. रविवार, 13 मार्च 2022 सकाळी 4:30 ते 7:30 या वेळात कार्ले खिंड सायकलपटूनी गजबजून गेली होती. यात सामील होण्यासाठी अनेकांना आवाहन केले गेले होते. त्याला उत्तम प्रतिसाद देत 43 सायकल प्रेमी सामील झाले होते. त्यात प्रथमच कार्ले खिंड सायकल ने चढणारे काही कमी नव्हते. कार्ले खिंडीत एव्हरेस्टिंग पूर्ण करायचं असेल तर 95 फेर्या कराव्या लागतात. अलिबाग सायकल क्लब सायकल पटू चा उत्साह एवढा जबरदस्त होता की एकूण 43 जणांनी मिळून 179 फेर्या पूर्ण केल्या. आणि एकूण 17000 मिटर पेक्षा जास्त मिळवले.
यात जानू सेठी याने सर्वात जास्त म्हणजे 17 फेर्या मारल्या. सायकल क्लब चे अनुभवी सायकल पटू जोरात होतेच पण त्यांच्या जोडीला प्रथमच कार्ले खिंडीत सायकल वर येणारे पण 6 जण होते. या उपक्रमात आबालवृद्ध सहभागी होते. केवळ 7 वर्षाची सर्वात लहान कु ओवी कुणाल पाथरे तर 62 वर्षांचे वयाने ज्येष्ठ अनंत खाडिलकर यांची आपला सहभाग नोंदवला.या केलेल्या सायकल एव्हरेस्टिंग बद्द्ल पोयनाड, पांडवां देवी चे उद्दोजक केसरीनाथ पाटील यांनी शुभेच्छा दिल्या आहे