निवडणूक आयोगाकडून गाईडलाईन्स जारी

| मुंबई | प्रतिनिधी |

लवकरच निवडणूक कार्यक्रम जाहीर होणार असल्याने केंद्रीय निवडणूक आयोगाकडून मार्गदर्शक सूचना जारी करण्यात आली आहे. यानुसार, प्रशासकीय विभागांच्या वेबसाईटवरून नेत्यांना फोटो हटवण्याचे आदेश देण्यात आले आहेत.

येत्या काहीच दिवसात लोकसभा निवडणूक जाहीर होऊ शकते. अगदी कोणत्याही क्षणी लोकसभा निवडणुकीची घोषणा केली जाऊ शकते. त्यामुळे अवघ्या काही दिवसांवर येऊन ठेपलेल्या आगामी लोकसभा निवडणुकीच्या निमित्ताने राजकीय वर्तुळात राजकीय घडामोडींना वेग आला आहे. अशातच राजकीय नेत्यांचे एकमेकांवर होणारे आरोप-प्रत्यारोपांचे प्रमाणही वाढले आहे. दरम्यान, लवकरच निवडणूक कार्यक्रम जाहीर होणार असल्याने केंद्रीय निवडणूक आयोगाकडून मार्गदर्शक सूचना जारी करण्यात आली आहे. लोकसभा निवडणुकीच्या पार्श्वभूमीवर निवडणूक आयोगाकडून जारी करण्यात आलेल्या गाईडलाईन्सप्रमाणे राजकीय नेत्यांना आपले फोटो प्रसिद्ध करता येणार नाहीत. आगामी लोकसभा निवडणुकीच्या पार्श्वभूमीवर लागू करण्यात येणाऱ्या आचारसंहितेच्या काळात आणि संपूर्ण निवडणूक प्रक्रिया पार पडेपर्यंत वेबसाईटवरून राजकीय नेत्यांना आपले फोटो काढून टाकावे लागणार आहे. यासंदर्भातील आदेशच केंद्रीय निवडणूक आयोगाने देताना प्रशासकीय विभागांच्या वेबसाईटवरून नेत्यांना फोटो हटवण्याचे आदेश देण्यात आले आहेत.