गुटखा, पानमसाल्याचा साठा जप्त

| पनवेल । वार्ताहर ।

पनवेल तालुक्यातील कळंबोली खिडुकपाडा येथील तीन पानशॉपवर टाकलेल्या छाप्यात मोठ्या प्रमाणात गुटखा व पानमसाल्याचा साठा हस्तगत करण्यात आला आहे. पेण येथील अन्न व औषध प्रशासन विभागातील सहाय्यक आयुक्त ल. अं. दराडे, अन्न सुरक्षा अधिकारी वि. वि. शिंदे व स. रा. आढाव व त्यांच्या पथकाने कळंबोली खिडुकपाडा येथील तीन पानशॉपवर छापे मारले. येथे त्यांना गुटखा व पानमसाल्याचा साठा आढळून आला. त्यावर त्यांनी हा साठा जप्त करून त्यांचे शॉप सील करत रामदुलारे प्रजापती (28), श्रीराम जेस्वाल (49) आणि खजांची प्रसाद गौड (48) या तिघांना ताब्यात घेतले आहे.