हार्दिक पांडयाची भावनिक पोस्ट

। मुंबई । प्रतिनिधी ।

आयपीएल 2024 च्या हंगामाची सुरुवात मुंबई इंडियन्ससाठी काही खास झालेली नाही. नवा कर्णधार हार्दिक पंड्याच्या नेतृत्वाखाली संघाने पराभवाची हॅट्ट्रिक केली आहे. घरच्या मैदानावर राजस्थानविरुद्धच्या पराभवानंतर मुंबई इंडियन्सचा कर्णधार हार्दिक पंड्याने एक भावनिक पोस्ट शेअर लिहिली आहे. सलग दोन पराभवानंतर मुंबईचा संघ विजयाच्या आशेने घरच्या मैदानावर वानखेडेवर उतरला होता. पण राजस्थानच्या संघाने यजमान मुंबईला त्याच्या घरात पराभव केला. या पराभवाने हार्दिकच्या जखमेवर मीठ चोळले आहे. कारण रोहितच्या जागी हार्दिककडे मुंबईचे कर्णधारपद सोपवण्याचा वाद अजूनही थांबलेला नाही.

हार्दिक पंड्याने एक्स या सोशल मीडिया हँडलवर एक पोस्ट शेअर केली आहे, ज्यामध्ये लिहिले की, ङ्गया संघाबद्दल तुम्हाला एक गोष्ट माहित असली पाहिजे, ती म्हणजे आम्ही कधीही हार मानणार नाही. त्यामुळे आम्ही लढत राहू आणि पुढे जात राहू.फ कर्णधार हार्दिकचे लक्ष आगामी सामन्यांवर आहे. पुढचा सामना जिंकण्यासाठी ते आपली पूर्ण ताकद पणाला लावायला तयार आहेत. मुंबईचा संघ पुढील सामना 7 एप्रिलला दिल्ली कॅपिटल्सविरुद्ध खेळणार आहे. दिल्लीचा पराभव करण्यात मुंबई टीम यशस्वी होते की नाही हे पाहणे उत्सुकतेचे ठरणार आहे.