लाईफलाईन हॉस्पिटलने काढले आरोग्य कार्ड

। पंढरपूर । प्रतिनिधी ।
लॉकडाऊन मुळे सर्वसामान्यांची आर्थिक घडी बिघडलेली असताना नागरिकांना आरोग्याच्या उपचारासाठी मोठया खर्चाला सामोरे जावे लागते अशावेळी रुग्णांना उपचाराच्या आर्थिक खर्चात लाभ मिळावा या दृष्टीने पंढरपूर शहरातील लाईफलाईन हॉस्पिटलमध्ये ग्रामीण भागातल्या तळागाळातल्या,गोरगरीब, सर्वसामान्य जनतेला आरोग्य तपासणीमध्ये फायदा व्हावा यासाठी आरोग्य पुस्तिका काढली आहे.

या आरोग्य पुस्तिकेचे प्रकाशन पंढरपुरातील ज्येष्ठ पत्रकार रामचंद्र सरवदे, रविंद्र शेवडे व लाईफलाईन हॉस्पिटलचे डॉ. संजय देशमुख डॉ. मंजुषा देशमुख तसेच या हॉस्पिटलमध्ये कार्यरत असलेले डॉक्टर यांच्या हस्ते करण्यात आला.सोलापूर जिल्ह्यातल्या ग्रामीण भागातील सर्व सुविधांनी युक्त असलेले व सर्व प्रकारचे विशेष तज्ञ असलेले लाईफलाईन हॉस्पिटल असून या ठिकाणी येणार्‍या रुग्णांना बिलामध्ये सवलत मिळावी यासाठी आरोग्य पुस्तिकेच्या माध्यमातून रूग्णांना सर्व सुविधा मध्ये 5 ते 25 टक्के सवलत, डॉ. देशमुख यांनी उपलब्ध करून दिली आहे.

एका परिवारासाठी हेल्थ कार्ड म्हणून या पुस्तिकेचे वापर करण्यात येणार असून यामध्ये रुग्णांना तपासणी सह अत्यावश्यक असणार्‍या रक्त लघवी तपासणी, सिटीस्कॅन तपासणी, एमआरआय तपासणी, तसेच गरज पडल्यास रुग्णाला उपचारासाठी दाखल केल्यानंतरही रुग्णाला पाच ते दहा टक्के पर्यंतची सवलत मिळणार असून याचा लाभ रुग्णांना होणार आहे. सदर कार्डची वैद्यता ही दोन वर्षासाठी राहणार आहे.मोठे हॉस्पिटल म्हणजे महागडे हॉस्पिटल हा गैरसमज दूर करण्यासाठी व सवलतीच्या दरात उपचार उपलब्ध करून देण्यासाठी लाईफलाईन आरोग्य पत्रिका सर्वसामान्यांपर्यंत पोहोचवत आहोत.शासन मान्य बर्‍याच आजारावर महात्मा ज्योतिबा फुले जन आरोग्य योजनेअंतर्गत मोफत उपचार केले जातात जे आजार कोणत्याही योजनेत बसत नाहीत अशा सर्व आजारांवर हॉस्पिटलमधील तपासण्या व उपचारांवर 5 ते 30 टक्के पर्यंत सवलत दिली जाते. सदर कार्यक्रम प्रसंगी डॉ. प्रविण वायकुळे न्यूरो सर्जन, डॉ. कुलदीप कोलपाकवार ,डॉ.सचिन बोटे ,डॉ. नीरज दोडके ,डॉ.प्रियंका दोडके ,डॉ.भाग्यश्री वायकुळे ,डॉ. अजिंय उकरंडे एम सी एच, डॉक्टर सोयब बक्षी अस्थिरोग तज्ञ यांची प्रमुख उपस्थिती होती.