हृदयद्रावक! भाच्याच्या लग्नाहून परतताना काळाचा घाला; मामाचा जागीच मृत्यू
| उरण | वार्ताहर |
पनवेल खांदा गावातून आपल्या भाच्याच्या लग्न समारंभातून परतताना मामाचा अपघातात मृत्यू झाल्याची हृदयद्रावक घटना घडली आहे. शनिवारी (दि.30) चिर्ले (अटल सेतू) या पळस्पे-जेएनपीए महामार्गावर दुपारी तीनच्या सुमारास हा भीषण अपघात झाला.
मिळालेल्या माहितीनुसार, उरण तालुक्यातील मोठी जुई गावातील माजी उपसरपंच वसंत तुळशीराम भोईर हे शनिवारी पनवेल येथील खांदा गावातून आपल्या भाच्याच्या लग्न समारंभातून पळस्पे-जेएनपीए महामार्गावरून आपल्या मोटारसायकलवरुन मोठी जुई गावाकडे दुपारी तीनच्या सुमारास येत होते. भोईर हे मुंबई शहराकडे जाणाऱ्या अटल सेतू या चिर्ले गावाजवळील उड्डाण पुलाजवळ आले असताना महामार्गावर बेकायदेशीर पार्किंग केलेल्या मालवाहू ट्रेलरला त्यांच्या मोटारसायकने धडक दिली. यावेळी झालेल्या अपघातात वसंत भोईर हे जागीच मृत्युमुखी पडले. या अपघाताची माहिती मिळताच संतप्त झालेल्या नागरिकांनी रास्ता रोको केला आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.