पनवेलमध्ये पावसाचे थैमान
| पनवेल | प्रतिनिधी |
गेल्या 24 तासांहून जास्त काळ पडत असलेल्या मुसळधार पावसामुळे पनवेलकरांचे जनजीवन पूर्णतः विस्कळीत झाले होते. अनेक चाकरमान्यांचे सोमवारी सकाळी कामावर जाताना चांगलेच हाल झाल्याचे चित्र दिसत होते.
पनवेल शहरासह नवीन पनवेल, कारंजाडे, कामोठे, कळंबोली, खांदा वसाहत, खारघर आदी भागातील सखल भागात पाणी साचले होते. त्यातच रस्त्यांना असलेल्या खड्ड्यांमुळे वाहने हळूवारपणे चालत होती. कारंजाडे मध्ये मोठ्या प्रमाणात पाणी साचले होते. येथील ओढा नाला हा कमी रुंदी व उथळ असल्याने यंदाच्यावेळी मोठ्या प्रमाणात पाणी साचल्याने प्रमाण वाढले होते. याचा त्रास येथील रहिवाश्याना होताना दिसत होता. अनेकांनी कामावर जाण्यापेक्षा घरी राहणेच पसंत केले. अनेक दुकानात व तळ मजल्यावर असलेल्या घरांमध्येसुद्धा पाणी साचले होते. एसटी बसेस, एनएमएमटी बसेस उशिराने रस्त्यावर धावत होत्या.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.