पनवेलमध्ये हिंदी सक्ती निर्णयाची होळी

| पनवेल | वार्ताहर |

महायुती सरकारने हिंदी सक्तीचा जीआर काढला आहे. त्यामुळे संपूर्ण महाराष्ट्रभर याविरोधात संतप्त वातावरण असून, आंदोलने होत आहेत. त्याच पार्श्वभूमीवर मराठी भाषेवर होणाऱ्या आक्रमणा विरोधात शिवसेना (उद्धव ठाकरे) पक्षप्रमुख उद्धव ठाकरे यांच्या आदेशानुसार पनवेलमधील सर्वपक्षीय नेत्यांच्यावतीने छत्रपती शिवाजी महाराजांच्या अश्वारूढ पुळ्यासमोर जीआरची होळी करण्यात आली. यावेळी महाविकास आघाडीतील शेकापचे माजी आमदार बाळाराम पाटील, शिवसेना जिल्हाप्रमुख शिरीष घरत, मनसे प्रवक्ता योगेश चिल्ले, काँग्रेसचे ज्येष्ठ नेते कॅप्टन कलावत, शिवसेना उपजिल्हा प्रमुख भरत पाटील, शेकाप नेते काशिनाथ पाटील, शिरीष बुटाला, शशिकांत डोंगरे, महानगर प्रमुख अवचित राऊत यांच्या सह सर्वपक्षीय पुरूष पदाधिकारी, महिला आघाडी पदाधिकारी, युवासेना पदाधिकारी तसेच मराठी प्रेमी नागरीक मोठ्या संख्येने उपस्थित होते.