रायगड लोकसभा मतदारसंघात ‘या’ मतदारांचे गृह मतदानाचा
। रायगड । प्रतिनिधी ।
भारत निवडणूक आयोगाने 85 वर्षांपेक्षा जास्त वय असलेल्या आणि 40 टक्क्यांपेक्षा जास्त अपंगत्व प्रमाणपत्र असलेल्या नागरिकांना मतदानाचा हक्क बजावण्यासाठी घरबसल्या मतदान करण्याची सुविधा उपलब्ध करून दिली आहे. रायगड लोकसभा मतदारसंघात एकूण 2753 मतदारांनी गृह मतदानाचा हक्क बजावला, असे जिल्हाधिकारी तथा जिल्हा निवडणूक अधिकारी किशन जावळे यांनी सांगितले.
30 एप्रिलपासून मतदारसंघातील 85 वर्षांपेक्षा जास्त वय असलेल्या 2324 ज्येष्ठ नागरिकांनी, 386 दिव्यांग मतदार यांनी प्रथमच घरबसल्या तसेच 43 अत्यावश्यक सेवेतील मतदार यांनी टपाली मतदान केंद्रावर मतदानाचा हक्क बजावला. गोपनीय पद्धतीने मतदान करण्याची सुविधा पुरविण्यात येऊन संबधित विधानसभा मतदारसंघाचे सहाय्यक निवडणूक निर्णय अधिकारी यांच्या मार्गदर्शनाखाली नियुक्त करण्यात आलेल्या क्षेत्रीय अधिकारी, मतदान अधिकारी तसेच मतदान केंद्रस्तरीय अधिकारी यांनी गृह मतदान प्रक्रियेत सहभाग घेतला. यावेळी ज्येष्ठ नागरिक व दिव्यांग मतदारांनी आभार मानले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.