रस्त्याच्या दुरवस्थेचा पर्यटनावर परिणाम
काशिद बीचवर शुकशुकाट
| कोर्लई | वार्ताहर |
पर्यटनाच्या ऐन हंगामात जगाच्या पटलावर नावारूपाला आलेल्या काशीद बीचवर पर्यटकांची वर्दळ नसल्याने शुक्रवारपासून शुकशुकाट पहायला मिळत आहे. किमान काशीद बीचवर शनिवार-रविवार सुट्टीच्या दिवसांत पर्यटकांची मोठी वर्दळ असते. मुरूडमध्ये जंजिरा पाहणारे पर्यटक येत असतात. परंतु गेल्या काही दिवसांपासून फारसे पर्यटक आलेले दिसून येत नाहीत. याचा येथील पर्यटनावर परिणाम दिसून येतो आहे.
यामुळे पर्यटन व्यवसायिकांना नुकसानीचा फटका बसला आहे. मागील आठवड्यात काशीद बिचवर जेमतेमच पर्यटक आले होते. साळाव ते मुरूड या 32 किमी मार्गावर खड्डे पडल्याने मुंबई कडील पर्यटक काशीद किंवा मुरूडकडे येण्यास सहजासहजी तयार होत नाहीत. रस्ते खड्डेमय असल्याने सर्वच जणांनी वारंवार नापसंती व्यक्त केली आहे. गणेशोत्सवात देखील खड्डेमय परिस्थिती राहिली होती. आता दिवाळीच्या ऐन तोंडावर देखील अशीच परिस्थिती राहिली तर पर्यटनाचा परिणाम व्यवसायिकांवर होणार, अशी चिंता अनेकांकडुन व्यक्त होत आहे. साळाव ते मुरूड रस्त्यावर खड्डे पडले असल्याने सध्या मुरूडकडे येणारे बहुतांश पर्यटक पुणे किंवा पश्चिम महाराष्ट्रातुन येत असल्याचे दिसून येत आहे. रस्त्यावर पडलेले खड्डे असेच राहिल्यास पर्यटन उद्योगावर मोठा प्रतिकूल परिणाम होऊ शकतो, असे स्पष्ट दिसत आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.