मोरे महाविद्यालयात खुल्या व्यायामशाळेचे उद्घाटन

| पोलादपूर | प्रतिनिधी |

पोलादपूर तालुक्यातील चोळई शिवाई शिक्षण प्रसारक मंडळ, महाड संचलित येथील सुंदरराव मोरे कला, वाणिज्य व विज्ञान महाविद्यालयामध्ये रौप्य महोत्सवी वर्षाचे औचित्य साधून नुकतेच माजी विद्यार्थी मेळाव्याचे यशस्वी आयोजन करण्यात आले. या मेळाव्यापूर्वी महाविद्यालयामध्ये विद्यार्थ्यांसाठी उपलब्ध करून देण्यात आलेल्या खुल्या व्यायामशाळेचे उदघाटन महाविद्यालयाचे माजी विद्यार्थी शुभम मोरे यांच्या हस्ते करण्यात आले. यावेळी अ‍ॅड संतोष काळे, अशोक देशमुख, शिवराज पार्टे आदी मान्यवर उपस्थित होते. प्राचार्य डॉ. दीपक रावेरकर व उपप्राचार्य प्रा. सुनिल बलखंडे यांनी सर्व मान्यवरांचे स्वागत केले.

यावेळी सर्व माजी विद्यार्थ्यांना महाविद्यालयाच्यावतीने रौप्यमहोत्सवी वर्षाचे स्मृतिचिन्ह म्हणून बॅजेसचे वितरण देखील करण्यात आले. प्रास्तविक प्रा. डॉ. रवींद्र सोमोशी यांनी केले. यावेळी विद्यार्थ्यांच्यावतीने इम्रान अंतुले, विनय हाटे, अमित कदम, अश्‍विनी देशमुख, संदीप जाबडे इत्यादी विद्यार्थ्यांनी महाविद्यालयाच्या रौप्य महोत्सवी वर्षानिमित्त महाविद्यालयातील विद्यमान आणि भावी विद्यार्थ्यांच्या प्रगतीसाठी निर्माण होणार्‍या सुविधांकरिता योगदान देण्याचा संकल्प यावेळी या सर्वच विद्यार्थ्यांनी व्यक्त केला.

यावेळी प्रा.डॉ. सुधाकर जाधव, प्रा. स्नेहल कांबळे, कार्यालयीन अधीक्षक मुकुंद पंदेरकर, प्राचार्य डॉ.दीपक रावेरकर यांनी प्राध्यापकांतर्फे मनोगते व्यक्त केली. प्रा. डॉ. सुदर्शन दवणे यांनी सर्वांचे आभार मानले.