। पनवेल । वार्ताहर ।
कोकण पदवीधर मतदारसंघाचे महाविकास आघाडीचे उमेदवार रमेश कीर यांच्या प्रचारात बाळासाहेब ठाकरे लॉ कॉलेज तळोजा फेज 2 या ठिकाणी उत्स्फूर्त सभा पार पडली.
या सभेला जवळपास 200 हून अधिक पदवीधर व शिक्षक मतदार उपस्थित होते. पदवीधरांना रोजगारची संधी उपलब्ध करून देण्यासाठी महाविकास आघाडीचे उमेदवार निकराने काम करतील आणि हे कार्य करण्यासाठी आम्ही कार्यकर्ते मंडळी त्यांच्याकडे पाठपुरावा करू, अशी ग्वाही शिवसेना संपर्कप्रमुख व उरण पनवेल महाविकास आघाडीचे अध्यक्ष बबन पाटील यांनी मतदारांना दिली.
शेतकरी कामगार पक्ष, शिवसेना, काँग्रेस आणि राष्ट्रवादीचे पदाधिकारी देखील बैठकीला मोठ्या प्रमाणावर उपस्थित होते. बबनदादा पाटील, काँग्रेसचे आर.सी. घरत, जिल्हाध्यक्ष सुदाम पाटील काँग्रेस, समाजवादी पार्टीचे अनिल नाईक, शेतकरी कामगार पक्षाचे चिटणीस देवेंद्र मढवी, उपजिल्हाप्रमुख रामदास पाटील, महानगरप्रमुख एकनाथ म्हात्रे, तालुकाप्रमुख विश्वास पेटकर, काँग्रेसचे बबन केणी, शेतकरी कामगार पक्षाचे प्रसाद ढगे पाटील, शिवसेनेचे कैलास पाटील, बाळा मुंबईकर, गणेश म्हात्रे, मुरलीधर म्हात्रे, काँग्रेसचे नोफील सय्यद सय्यद, शेकापचे संदीप केणी, वामन घरत, संदीप प्रताप पाटील आदी मान्यवर उपस्थित होते. यावेळी उपस्थित मान्यवरांनी महाविकास आघाडीचे उमेदवार रमेश कीर यांना बहुमतांनी निवडून द्यावे, असे आवाहन पदवीधर मतदारांना केले. विधिमंडळात आपले प्रश्न मांडून त्यांची सोडवणूक करणारा उमेदवार हवा असल्याने रमेश कीर यांना निवडून द्यावे, असेही यावेळी उपस्थिांना सांगण्यात आले.