शिहू येथे इंडिया आघाडीच्या प्रचाराला वेग
। शिहू । वार्ताहर ।
रायगड लोकसभा निवडणूक प्रचार अंतिम टप्प्यात आला असून ठिकठिकाणी प्रचाराला वेग आल्याचे चित्र पाहावयास मिळत आहे. तिसर्‍या टप्प्यातील लोकसभा मतदान 7 मे रोजी होत असून इंडिया आघाडीचे कार्यकर्ते आपापल्या परीने प्रचार करताना दिसत आहेत. इंडिया आघाडीचे अधिकृत उमेदवार अनंत गीते यांना निवडून आणण्यासाठी शिहू विभागातील झोतिरपाडा, बेणसे, टाऊनशिप येथे शनिवारी (दि.4) कामगार नेते साधुराम मालुसरे यांच्या मार्गदर्शनाखाली शिवसेना उपजिल्हा संघटिका दर्शना जवके व शिहू विभाग प्रमुख दिपक पाटील यांच्या नेतृत्वाखाली मतदारांच्या घरोघरी जाऊन प्रचार करण्यात आला.
‘कहो दिलसे अनंत गीते फिरसे’ असा नारा देत अनंत गीते यांना प्रचंड मतांनी विजयी करा, असे मतदारांना आवाहन करण्यात आले. या प्रचार फेरीत शिहू विभाग सहसंपर्क प्रमुख अशोक भोय, शिहू विभाग संघटिका वर्षा कोळी, टाऊनशिप शाखाप्रमुख अरुण कारंडे, झोतिरपाडा शाखाप्रमुख मोहन पाटील, शेकाप, काँग्रेस कार्यकर्ते निलेश म्हात्रे, सदाम मोमीन, विश्‍वनाथ उतेकर, रोहिणी अल्हाट, सोनम पाटील, संजय भोय, नितीन देशमुख, सुहास कुथे यांसह इंडिया आघाडीचे कार्यकर्ते मोठया संख्येने उपस्थित होते.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.