भारत-इंग्लंड महिला कसोटी सामना

| लंडन | वृत्‍तसंस्था |

ऐतिहासिक लॉर्ड्स मैदानावर पहिल्यांदाच दोन्ही महिला संघांतील कसोटी सामना होणार आहे. 2026मध्ये भारत-इंग्लंड यांच्यात पहिला महिला कसोटी सामना रंगणार आहे, अशी घोषणा इंग्लंड अँड वेल्स क्रिकेट बोर्डाने (ईसीबी) गुरुवारी (दि.22) केली. जुलै 2025मध्ये भारत आणि इंग्लंड यांच्यात तीन सामन्यांची एकदिवसीय मालिका होणार आहे. त्यानंतर भारतीय संघ 2026मध्ये एका कसोटीसाठी पुन्हा इंग्लंडला येणार आहे. ईसीबीचे मुख्य कार्यकारी अधिकारी रिचर्ड गोल्ड यांनी सांगितले की,

भारतीय संघ 2026मध्ये लॉर्ड्समध्ये एकमेव कसोटी सामना खेळेल. इंग्लंडच्या महिला संघाने मागील तीन वर्षांपासून लॉर्ड्सवर पांढऱ्या चेंडूवरील सामने खेळले आहेत. पुढील वर्षी आणखी एक सामना होणार आहे. पण, महिलांच्या कसोटी सामन्यात भारताचे यजमानपद भूषवण्याची ही या मैदानाची पहिलीच वेळ असेल. भारतीय संघाने मागील वर्षी डिसेंबरमध्ये इंग्लंड आणि ऑस्ट्रेलियाविरुद्ध आणि यावर्षी जुलैमध्ये दक्षिण आफ्रिकेविरुद्ध झालेल्या कसोटी सामन्यांत विजय मिळवला होता. भारताने इंग्लंडविरुद्ध मागील कसोटी सामना 2021मध्ये ब्रिस्टल येथे खेळला होता. हा सामना ड्रॉ झाला होता.

भारत-इंग्लंड महिला क्रिकेट संघाचे वेळापत्रक
टी-20 मालिका सामना         स्थान                         तारीख

     पहिला                            नॉटिंगहॅम                 28 जून 2025
     दुसरा                                ब्रिस्टल                    1 जुलै 2025
     तिसरा                             द ओव्हल                  4 जुलै 2025
     चौथा                                मँचेस्टर                    9 जुलै 2025
    पाचवा                              बर्मिंगहॅम                 12 जुलै 2025

वनडे मालिका
  सामना                 ठिकाण                        तारीख

   पहिला               साउदम्पटन              16 जुलै 2025
   दुसरा                    लॉर्ड्स                   19 जुलै 2025
  तिसरा               चेस्टर ली स्ट्रीट            22 जुलै 2025