अफगाणिस्तानवर भारताचा दणदणीत विजय

| नवी दिल्ली | वृत्तसंस्था |

नाणेफेक जिंकून प्रथम फलंदाजी करताना टीम इंडियाने मोठी धावसंख्या उभारली. सूर्यकुमार यादवच्या अर्धशतकी खेळीमुळे भारताने निर्धारित 20 षटकात 8 बाद 181 धावा केल्या. या आव्हानाचा पाठलाग करताना अफगाणिस्तानच्या फलंदाजांना घाम फुटला. ते निर्धारित 20 षटकांत सर्वबाद केवळ 134 धावा करू शकले आणि 47 धावांनी सामना गमावला. या सामन्यात अप्रतिम क्षेत्ररण करणाऱ्या रवींद्र जडेजाला देऊन सन्मानित करण्यात आले. ज्यामध्ये टीम इंडियाचे मुख्य प्रशिक्षक राहुल द्रविड जडेजला मेडल देऊन सन्मानित करत आहेत. जडेजाला हे मेडल मिळताच त्याने एकच जल्लोष केला. राहुल द्रविड यांना उचलून घेत जडेजाने त्यांच्या मार्गदर्शनाला दाद दिली.

अफगाणिस्तानविरूद्धच्या सामन्यात जडेजाने त्याच्या 3 षटकांत 20 धावा देत 1 बळी घेतला. याशिवाय तीन अप्रतिम झेल घेण्यात जडेजाला यश आले. प्रथम फलंदाजी करताना भारताला कर्णधार रोहित शर्माच्या (8) रूपात सुरुवातीलाच एक मोठा झटका बसला. त्यानंतर विराट कोहलीने (24) साजेशी खेळी करून डाव सावरण्याचा प्रयत्न केला.

अफगाणिस्तानकडून पुन्हा एकदा राशिद खानने कमाल केली. त्याने विराट कोहली, रिषभ पंत आणि शिवम दुबे यांना आपल्या जाळ्यात फसवले. याशिवाय फझलहक फारूकीने रोहित आणि जडेजाला तंबूत पाठवले. मात्र, सूर्यकुमारच्या खेळीने भारताला तारले. त्याने 3 षटकार आणि 5 चौकारांच्या मदतीने 28 चेंडूत 53 धावांची स्फोटक खेळी केली. 181 धावांचा बचाव करताना भारताकडून जसप्रीत बुमराहने आणि अर्शदीप सिंगने सर्वाधिक 3-3 विकेट घेतली, तर कुलदीप यादव (२) आणि अक्षर पटेल आणि रवींद्र जडेजा यांनी प्रत्येकी 1-1 विकेट घेतली.