पुण्यात रंगणार आयपीएलचा थरार

| पुणे | प्रतिनिधी |

पुण्यातल्या क्रिकेटप्रेमींसाठी वर्षाच्या पहिल्याच दिवशी गुड न्यूज मिळाली आहे. आयपीएलचं पुण्यामध्ये कमबॅक होणार आहे. आयपीएल 2026 चे सामने पुण्याच्या गहुंजे स्टेडियमवर खेळवले जाणार आहेत. पुणे हे आयपीएलच्या एका फ्रँचायझीचं होम ग्राऊंड असणार आहे. महाराष्ट्र क्रिकेट असोसिएशनच्या या स्टेडियममध्ये राजस्थान रॉयल्स त्यांचे घरचे सामने खेळले, अशी माहिती सूत्रांनी दिली आहे.

जयपूरमधील सवाई मानसिंग स्टेडियम हे सुरक्षेच्या नियमांचं पालन करण्यात अयशस्वी ठरलं आहे, त्यामुळे राजस्थान रॉयल्सने त्यांचं होम ग्राऊंड बदललं आहे. गेल्या काही हंगामांप्रमाणेच, राजस्थान रॉयल्स त्यांचे काही होम सामने गुवाहाटीमध्येही खेळतील, त्यानंतर पुढचे सामने पुण्यात खेळवले जातील.
पुण्यातील एमसीए स्टेडियमने याआधी काही आयपीएल टीमसाठी तात्पुरते होम ग्राऊंड म्हणून काम केले. चेन्नई सुपर किंग्जने 2018 मध्ये या मैदानात मॅच खेळल्या होत्या आणि त्यानंतर जेतेपद पटकावले होते. तसंच आयपीएलमध्ये पुण्याची टीम अस्तित्वात असतानाही इथेच सामने व्हायचे.

बंगळुरूमधील एम. चिन्नास्वामी स्टेडियमभोवतीच्या वादामुळे, एमसीए स्टेडियम आयपीएल 2026 मध्ये त्यांचे घरचे सामने होण्यासाठी आरसीबीशी संपर्क साधत होते. सुरक्षा आणि सुरक्षेच्या कारणास्तव कर्नाटक राज्य क्रिकेट असोसिएशनला विजय हजारे ट्रॉफी सामने आयोजित करण्याची परवानगी राज्य सरकार आणि पोलिसांनी नाकारली होती. पण, व्यंकटेश प्रसाद केएससीएचे अध्यक्ष झाल्यानंतर, सामने पुन्हा मैदानावर आणण्यासाठी प्रयत्न सुरू झाले आहेत. एमसीए आणि आरसीबी यांच्यातील चर्चा अंतिम होऊ शकली नाही, ज्यामुळे राजस्थान फ्रँचायझीला पुण्यामध्ये सामने खेळायला परवानगी मिळाली आहे.