यंदा आयपीएलचा ‘महाधमाका’

तब्बल 84 सामन्यांचा विक्रमी हंगाम; दुसऱ्या टप्प्याचे वेळापत्रक जाहीर

| नवी दिल्ली | वृत्तसंस्था |

इंडियन प्रीमियर लीगच्या दुसऱ्या टप्प्याचे वेळापत्रक जाहीर झाले आहे. समितीने संध्याकाळी 6 वाजता त्यांच्या सोशल मीडिया हँडलवर ही माहिती दिली. 13 एप्रिल ते 24 मे या कालावधीत 12 ठिकाणी 50 सामने खेळले जातील. यात 8 डबल हेडर असतील.

गतविजेत्या रॉयल चॅलेंजर्स बंगळुरूने रायपूरला आपले दुसरे होमग्राउंड बनवले आहे, संघ येथे 2 सामने खेळेल. पहिल्या टप्प्यात 28 मार्च ते 12 एप्रिल या कालावधीत 20 सामने होणार आहेत. प्लेऑफचे वेळापत्रक जाहीर झालेले नाही, परंतु अंतिम सामना 31 मे रोजी बंगळुरूमध्येच खेळला जाईल. स्पर्धेत 74 सामनेच खेळले जातील. लीग स्टेजमध्ये 70 सामने असतील, तर प्लेऑफ स्टेजमध्ये 4 सामने खेळले जातील. यापूर्वी या हंगामात 84 सामने होणार असल्याच्या बातम्या होत्या, परंतु समितीने सामन्यांची संख्या वाढवली नाही.दुसऱ्या टप्प्याची सुरुवात सनरायझर्स हैदराबादच्या सामन्याने होईल, पण यावेळी संघ हैदराबादमध्ये राजस्थान रॉयल्सशी भिडेल. तर पहिल्या टप्प्यात संघ बंगळुरूच्या मैदानावर आरसीबीशी पहिला सामना खेळेल.

आयपीएल इतिहासातील 2 सर्वात यशस्वी संघ मुंबई इंडियन्स आणि चेन्नई सुपर किंग्स 23 एप्रिल रोजी पहिल्यांदा मुंबईत भिडतील. दोन्ही संघ पुन्हा 2 मे रोजी चेन्नईमध्ये ही आमनेसामने येतील. लीग स्टेजच्या शेवटच्या दिवशी 2 सामने होतील. दुपारी मुंबईचा सामना राजस्थानशी होईल, तर संध्याकाळी कोलकाताचा संघ दिल्लीशी भिडेल.

10 संघांपैकी चेन्नई सुपर किंग्स आणि गुजरात टायटन्स हेच असे 2 संघ आहेत, ज्यांचे प्रत्येकी 1-1 सामना दुपारी होईल. दोन्ही संघ 13-13 सामने संध्याकाळी खेळतील. हैदराबाद आणि दिल्लीचे सर्वाधिक 4-4 सामने दुपारी 3.30 वाजता सुरू होतील. पंजाब आणि लखनऊला दुपारी 3-3 सामने खेळायचे आहेत. तर राजस्थान, मुंबई, कोलकाता आणि बंगळुरूचे प्रत्येकी 2-2 सामने दुपारी आहेत. एकूण 12 दिवस डबल हेडर खेळले जातील.

आयपीएलमध्ये 10 संघ आहेत. सर्व संघ त्यांच्या होमग्राउंडवर 7 आणि विरोधी संघाच्या होमग्राउंडवर 7 सामने खेळतील. 10 संघांच्या 10 होमग्राउंड्सव्यतिरिक्त, राजस्थान रॉयल्स, रॉयल चॅलेंजर्स बंगळुरू आणि पंजाब किंग्सने प्रत्येकी 2-2 होमग्राउंड निवडले आहेत. राजस्थान आपले सुरुवातीचे 3 होम सामने गुवाहाटीमध्ये खेळेल, तर 4 सामने जयपूरमध्ये खेळले जातील. बंगळुरूचे दुसरे होमग्राऊंड रायपूर आणि पंजाबचे मुल्लांपूर आहे. बंगळुरू, मुंबई, चेन्नई, कोलकाता, दिल्ली, अहमदाबाद, हैदराबाद, लखनऊ, जयपूर, धर्मशाला, रायपूर, मुल्लांपूर आणि गुवाहाटी ही स्पर्धेची 13 ठिकाणे आहेत. येथे लीग स्टेजचे 70 सामने होतील. प्लेऑफचे 4 सामने मुल्लांपूर आणि बंगळुरूमध्ये खेळले जातील, पण त्यांच्या तारखा जाहीर होणे बाकी आहे.

उद्घाटन सोहळा रद्द
 आयपीएल 2026 चा पारंपारिक उद्घाटन सोहळा रद्द करण्याचा मोठा निर्णय घेतला आहे. शनिवारी (28 एप्रिल 2026) एम. चिन्नास्वामी स्टेडियमवर रॉयल चॅलेंजर्स बंगळुरू आणि सनरायझर्स हैदराबाद यांच्यात पहिला सामना रंगणार आहे, मात्र त्यापूर्वी कोणताही सोहळा होणार नाही. गेल्या वर्षी 4 जून 2025 रोजी बंगळुरूमध्ये झालेल्या भीषण चेंगराचेंगरीत 11 जणांना आपला जीव गमवावा लागला होता. या मृतांना श्रद्धांजली वाहण्यासाठी आणि त्यांच्याबद्दल आदर व्यक्त करण्यासाठी यंदा कोणताही सांस्कृतिक किंवा मनोरंजनाचा कार्यक्रम आयोजित न करण्याचा निर्णय बोर्डनी घेतला आहे.