। अलिबाग । प्रतिनिधी ।
अलिबाग-मुरुड-रोहा मतदारसंघात महाविकास आघाडी पूरस्कृत शेकाप उमेदवार चित्रलेखा पाटील उर्फ चिऊताई रिंगणात आहेत. त्यांना प्रचारादरम्यान जनतेचा चांगला प्रतिसाद मिळाला आहे. त्यामुळे या निवडणुकीत चित्रलेखा पाटील यांचा विजय हा निश्चितच असणार, असा विश्वास शेकाप सरचिटणीस जयंत पाटील यांनी बुधवारी (दि.20) व्यक्त केला.
शेतकरी कामगार पक्षाचे सरचिटणीस जयंत पाटील व जिल्हा परिषद माजी अध्यक्ष सुप्रिया पाटील यांनी पेझारी येथील मतदान केंद्रामध्ये मतदान केले. तसेच, शेतकरी कामगार पक्ष राज्य महिला आघाडी प्रमुख ॲड. मानसी म्हात्रे यांनी देखील जा.र.ह. कन्या शाळा येथील केंद्रात मतदानाचा हक्क बजावला.