वृक्षसंवर्धनासाठी पत्रकार सरसावले

तालुका पत्रकार विकास मंचाच्यावतीने माझे झाड उपक्रमाचा शुभारंभ

| पनवेल | प्रतिनिधी |

पनवेल तालुका पत्रकार मंचाच्या वतीने साक्षरता दिनाच्या औचित्याने वृक्षसंवर्धन साक्षरता दिनाचे आयोजन करण्यात आले होते. इंडियन ऑइल, पनवेल तालुका पत्रकार विकास मंच आणि पनवेल महानगरपालिका यांच्या संयुक्त विद्यमाने हा कार्यक्रम पार पडला.

वृक्ष पूजन करून कार्यक्रमाचा प्रारंभ करण्यात आला. मान्यवरांचे स्वागत सत्कार झाल्यानंतर पनवेल तालुका पत्रकार विकास मंचाचे अध्यक्ष मंदार दोंदे यांनी प्रास्ताविकातून कार्यक्रमाच्या नियोजनाची संकल्पना उपस्थितांसमोर मांडली. या उपक्रमांतर्गत पनवेल महापालिका हद्दीत 100 बहुवार्षिक वृक्ष लावून त्यांचे संवर्धन करण्यात येणार आहे. पनवेल महानगरपालिकेचे उद्यान विभाग यांच्या समन्वयाने सदर वृक्षांचे संवर्धन करण्यात येणार आहे.

या कार्यक्रमाला पनवेल महानगरपालिकेचे उपायुक्त डॉ. वैभव विधाते, भाजप उत्तर जिल्हा अध्यक्ष अविनाश कोळी, इंडियन ऑइलचे पश्चिम विभाग एक्झिक्युटिव्ह डायरेक्टर पी. त्रिपाठी, इंडियन ऑइल एव्हिएशन विभागाचे जनरल मॅनेजर रत्नशेकर भट्टाचारजी, माजी विरोधी पक्ष नेते प्रीतम म्हात्रे, नवी मुंबई पोलीस आयुक्तालय परिमंडळ 3 चे सहाय्यक पोलीस आयुक्त भाऊसाहेब ढोले, पनवेल बार असोसिएशनचे अध्यक्ष तथा माजी नगरसेवक ॲड. मनोज भुजबळ, इंडियन ऑइलचे पश्चिम विभाग कॉर्पोरेट कम्युनिकेशन जनरल मॅनेजर अभिषेक कुमार, पश्चिम विभाग कॉर्पोरेट कम्युनिकेशन अधिकारी अनिल नागवेकर, नगरसेवक मनोहर म्हात्रे, पमपा उद्यान विभागाच्या वतीने सिद्धार्थ कांबळे आदी मान्यवरांची प्रमुख उपस्थिती होती. पनवेल तालुका पत्रकार मंचाच्या वतीने सल्लागार तथा ज्येष्ठ पत्रकार माधव पाटील, सल्लागार विवेक पाटील, उपाध्यक्ष राजेंद्र पाटील, खजिनदार संजय कदम, सरचिटणीस हरेश साठे, प्रविण मोहोकर, नितीन कोळी,राजू गाडे यांनी कार्यक्रम यशस्वी करण्यासाठी अथक परिश्रम घेतले.