कर्जत तालुक्यातील शिक्षक वाबळेवाडीत

पायाभूत सुविधा आणि उपक्रमांचा अभ्यास

| नेरळ | वार्ताहर |

कर्जत तालुक्यातील रायगड जिल्हा परिषदेच्या शाळांनी नावीन्यपूर्ण बदल आपल्या शिक्षण व्यवस्थापनात केले पाहिजेत. यासाठी कर्जत पंचायत समितीचे गटशिक्षण अधिकारी संतोष दौंड यांनी कर्जत तालुक्यातील जिल्हा परिषद शाळेतील 90 शिक्षकांना आंतरराष्ट्रीय दर्जाची शाळा म्हणून मानांकन मिळालेल्या वाबळेवाडी येथील शाळेत नेले. कर्जत तालुक्यातील शिक्षकांनी तेथे पायाभूत सुविधा आणि शैक्षणिक बदल यांचा अभ्यास केला.

आदिवासी आणि दुर्गम भाग अशी रचना असलेल्या कर्जत तालुक्यातील जिल्हा परिषद शाळांचा दर्जा उंचावला जावा यासाठी कर्जत पंचायत समितीचे गटशिक्षण अधिकारी संतोष दौंड यांनी रायगड जिल्ह्यात अनोखा आणि नाविन्यपूर्ण असा उपक्रम राबविला. महाराष्ट्र शासनाच्या धोरणानुसार अध्ययन प्रक्रियेचे व्यवस्थापन हे नाविन्यपूर्ण प्रशिक्षण शिक्षकांना संपूर्ण राज्यांमध्ये देण्यात आले. या प्रशिक्षणाचा गाभा असणारे आंतरराष्ट्रीय दर्जाची वाबळेवाडी शाळा ओळखली जाते. ही शाळा आहे तरी कशी आणि त्या ठिकाणी राबवलेले उपक्रम राष्ट्रीय पातळीवर पोहोचवण्यात कोणकोणत्या गोष्टींचे योगदान आहे. याची माहिती घेण्यासाठी कर्जत पंचायत समितीचे गटशिक्षणाधिकारी संतोष दौंड यांनी कर्जत तालुक्यातील 90 शिक्षकांना घेऊन वाबळेवाडी या ठिकाणी भेट दिली. वाबळेवाडी या शाळेला आंतरराष्ट्रीय स्तरावर नेण्यासाठी मुलाचे योगदान देणारे दत्तात्रेय वारे गुरुजी आणि वाबळेवाडी ग्रामस्थ यांच्या संकल्पनेतून साकारलेली वाबळेवाडी ची शाळा तसेच तेथील विद्यार्थी व ग्रामस्थ यांचे शाळेप्रती असलेले योगदान यांची माहिती तिथे जाऊन घेतली.

या शाळेचे विद्यार्थी यांचे शिक्षण घेण्याच्या पद्धतीचा अभ्यास करताना इयत्ता पहिलीचे विद्यार्थी हे एक वर्ग पुढचा अभ्यास करतात सांकेतिक भाषेत जोडशब्द ओळखतात. वाबळेवाडी येथील सकाळी शाळा भरते ती दिवसभर असते, तेथे विद्यार्थ्यांना कोणतेही बंधन नाही. येथील ग्रामस्थ शाळा भेटीला येणाऱ्या शिक्षक आणि पालकांना भरभरून शाळेविषयी माहिती देतात, ग्रामस्थ सर्व श्रेय वारे गुरुजींना देत असतात. तर आता असलेल्या सर्व शिक्षकांनी झोकून देऊन काम सुरू ठेवले आहे. यावेळी कर्जत तालुक्यातून गेलेल्या सर्व शिक्षकांना एफ एल एन ची शपथ देण्यात आली, इयत्ता पहिलीच्या वर्गाची माहिती सचिन यांनी ही शपथ दिली. दरम्यान, कर्जत तालुक्यातील शाळा ही आता कात टाकतायेत व लवकरच झालेला बदल अनुभवयास मिळेल असा आशावाद गटशिक्षणाधिकारी संतोष दौंड यांनी व्यक्त केला

कर्जत तालुका हा स्पर्धा परीक्षेच्या बाबतीत खूप मागे आहे, त्यामुळे तालुक्यातील शैक्षणिक गुणवत्ता वाढावी यासाठी तालुक्यातील100 शिक्षकांना प्रत्यक्ष वाबळेवाडीला नेऊन तेथील झिरो एनर्जी स्कुल असणारी आतंरराष्ट्रीय दर्जाची शाळा दाखवावी हा मानस होता, यातून नक्कीच कर्जत तालुक्यातील गुणवत्ता वाढण्यास मदत होईल.

संतोष दौंड, गटशिक्षणाधिकारी कर्जत

आम्हा सर्व शिक्षकांना भरपूर नवीन उपक्रम राबविण्याची प्रेरणा या भेटीने मिळाली. तालुका गटशिक्षण अधिकारी यांचा आंतरराष्टरीय शाळा वाबळे वाडी येथे नेण्याचा उद्देश सफल करण्यासाठी आम्ही सर्व शिक्षण योगदान देवून कर्जत तालुका नावीन्यपूर्ण शिक्षण घेणारा तालुका बनेल असा विश्वास आम्ही सर्वांनी दिला आहे.

रवी काजले- मुख्याध्यापक, झुगरेवाडी शाळा