लाइव्ह स्ट्रीमिंग दरम्यान कोरियन महिलेची मुंबईत छेडछाड

छेडछाड प्रकरणी दोन आरोपींना अटक
। मुंबई । वृत्तसंस्था ।
दक्षिण कोरियाची एक महिला युट्यूबर लाइव्ह करत असतानाच तिची छेडछाड केल्याची संतापजन घटना मुंबईत घडली आहे. या घटनेचा व्हिडीओ सध्या सोशल मीडियावर मोठ्या प्रमाणात व्हायरल होत आहे. व्हिडीओ व्हायरल झाल्यानंतर या घटनेची नोंद मुंबई पोलिसांनी घेतली असून छेडछाड प्रकरणी दोन आरोपींना अटक केल्याची माहिती समोर आली आहे.

व्हायरल होत असलेल्या या व्हिडीओमध्ये दक्षिण कोरियातील एक महिला यूट्यूबर मोबाईवर लाइव्ह स्ट्रीमिंग करताना दिसतं आहे. त्याचवेळी दोन तरुण तिच्याजवळ येत तिच्याशी जबरदस्ती जवळीक साधण्याचा प्रयत्न करण्यात आला. धक्कादायक बाब म्हणजे युट्यूबर महिला विरोध करत असताना आरोपी तिचा चेहरा बळजबरीने स्वत:कडे ओढत असल्याचंही व्हिडीओमध्ये दिसतं आहे.

या घटनेचा व्हिडीओ आदित्य नावाच्या व्यक्तीने ट्विटरवर शेअर केला असून हा व्हिडीओ मुंबई पोलिसांना टॅग करत लिहलं आहे की, “दक्षिण कोरियाच्या महिला खार परिसरात रात्री ८ च्या सुमारास हजारांहून अधिक लोकांसमोर, युट्यूबवर लाइव्ह स्ट्रीमिंग करत असताना काही तरुणांकडून तिची छेडछाड करण्यात आली आहे. ही घटना संतापजनक असून महिलेशी छेडछाड करणाऱ्यांविरोधात कडक कारवाई करावी.” अशी मागणी त्याने ट्विटद्वारे केली आहे.

https://twitter.com/Beaver_R6/status/1597831977130164224?ref_src=twsrc%5Etfw%7Ctwcamp%5Etweetembed%7Ctwterm%5E1597831977130164224%7Ctwgr%5E0165d765d5a5e550fcc76384abceb38d36a43863%7Ctwcon%5Es1_&ref_url=https%3A%2F%2Fwww.loksatta.com%2Ftrending%2Fsouth-korea-woman-youtuber-harassed-on-mumbai-street-during-live-youtube-streaming-jap-93-3309512%2F