लक्ष्मण धामणसे यांना देवाज्ञा

| खांब | वार्ताहर |

रोहा तालुक्यातील डोलवहाल गावचे रहिवासी तथा माजी पोलीस पाटील ह.भ.प.लक्ष्मण सहादेव धामणसे यांना सोमवारी, दि.11 नोव्हेंबर रोजी वयाच्या सुमारे 80 व्या वर्षी अल्पशा आजाराने देवाज्ञा झाली.

लक्ष्मण धामणसे यांनी आपल्या हयातीत गावाची पोलीस पाटीलकीची धुरा खंबीरपणे सांभाळून सामाजिक बांधिलकी जपण्याचे काम केले. त्यांच्या निधनाचे वृत्त समजताच समाजातील विविध क्षेत्रातील मान्यवर मंडळी यांच्यासह त्यांचे आप्तस्वकीय मित्रपरिवार सगेसोयरे यांनी त्यांच्या निवासस्थानी भेट देऊन त्यांचे अंत्यदर्शन घेऊन त्यांच्या परिवाराचे सांत्वन केले. त्यांच्या पश्‍चात तीन मुले, एक मुलगी, सुना, जावई, नातवंडे, पतवंडे असा परिवार असून, त्यांचे दशक्रियाविधी बुधवार दि.20 रोजी, तर अंतिम धार्मिकविधी गुरूवार, दि.21 रोजी राहत्या निवासस्थानी होणार असल्याची माहिती त्यांच्या निकटवर्तीयांकडून देण्यात आली आहे.