| उरण | प्रतिनिधी |
उरण तालुक्यातील रानसई व बारापाडा जंगल परिसरात बिबट्याचा वावर हा चलचित्रीकरण कॅमेऱ्यात आढळला आहे. त्यामुळे या परिसरात वन विभागाने सुरक्षिततेसाठी बँनर बाजी करुन गस्त सुरू केली आहे.तसेच, परिसरातील नागरिकांना दक्ष राहण्याच्या सूचना वन विभागाने दिल्या आहेत. मात्र, मागील वर्षा प्रमाणे याही वर्षी बिबट्याचा वावर आढळल्याने नागरीकांमध्ये धास्ती निर्माण झाली आहे.
जंगल परिसरात वाढते अतिक्रमण, सतत लागणारे वणवे यामुळे वन्यप्राणी हे अन्नाच्या शोधात नागरीवस्तीत येऊ लागले आहेत. त्यातच उरण तालुक्यातील रानसई, बारापाडा जंगल परिसरात बिबट्याचा वावर हा चलचित्रीकरण कॅमेऱ्यात आढळल्याने नागरिकांनी दक्ष राहण्याच्या सूचना वन विभागाने दिल्या आहेत. मात्र, मागील वर्षा प्रमाणे याही वर्षी बिबट्याचा वावर आढळल्याने रानसई ग्रामपंचायत हद्दीतील आदिवाशी नागरीकांमध्ये घबराटीचे वातावरण निर्माण झाली आहे. रानसई ही ग्रामपंचायत आदिवासी बांधवांची लोक वस्ती असलेली ग्रामपंचायत आहे. येथील नागरीकांचे उपजीविकेचे साधन हे जंगल आहे. आणि अशा जंगल परिसरात बिबट्याचा वावर आढळून आल्याने नागरीकांमध्ये घबराटीचे वातावरण निर्माण झाले आहे. तरी, आदिवासी बांधवांच्या सुरक्षिततेसाठी वन विभागाच्या अधिकाऱ्यांनी पुढाकार घ्यावा आणि त्या बिबट्याला जेरबंद करण्यात यावे, अशी मागणी सरपंच राधा पारधी यांनी केली आहे.
उरण तालुक्यात बिबट्याचा वावर
