म्हसळ्यात बिबट्याची दहशत
| म्हसळा | प्रतिनिधी |
वन विभागाच्या रोहा परिक्षेत्र वनविभाग अंतर्गत म्हसळा तालुक्यातील वांगणी मोरवणे परिसरात बिबट्याने चांगलीच दहशत निर्माण केली आहे. मागील तीन महिन्यांत मोरवणे गावात दोन शेतकऱ्यांच्या गोठ्यात बांधलेली तीन वासरे आणि घूम गावात एकाच शेतकऱ्याची दोन वासरे बिबट्याने फस्त केली आहेत. त्यातच आता वांगणी येथील सीतप यांच्या शेतघरात 16 जुलै रोजी वासरावरावर तर 17 जुलै रोजी येथीलच शेतकरी अशोक नाईक यांचा चरायला सोडलेल्या बैलावर हल्ला करून ठार केले आहे. तसेच, नाईक यांच्या शेतावारील पाळीव कुत्र्याची देखील बिबट्याने शिकार केली असल्याचे सांगण्यात येत आहेे. या घटना घडलेल्या ठिकाणांची म्हसळा वन विभागाच्या पथकाने पाहणी करून रीतसर पंचनामा केला असल्याचे शेतकरी अशोक नाईक यांनी सांगितले आहे. दरम्यान, वन विभागामार्फत नुकसानग्रस्त शेतकऱ्यांना योग्य ती मदत करण्यात येत असल्याचे म्हसळा परिक्षेत्र वन अधिकारी संजय पांढरकामे व वनपाल राठोड यांनी माहिती दिली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.