तहसिल कार्यालय परिसरात सर्वसामान्यांची लूट

नायब तहसिलदार यांची कारवाई करण्याचे आश्‍वासन

| पेण | प्रतिनिधी |

यात पेण तहसिल कार्यालय, पेण पोलिस स्टेशन, सबरजिस्टर कार्यालय, भुमिअभिलेख कार्यालय, वन अधिकारी कार्यालय, सरकारी ट्रेजरी, अशा कार्यालयांचा समावेश आहे. या कार्यालयांमध्ये तालुक्यातील दरदिवशी हजारो लोक अनेक कामे करण्यासाठी येत असतात. या येणार्‍या लोकांच्या अज्ञानाचा व वेळेचा फायदा घेऊन त्यांना फसविण्याचा प्रकार सर्रासपणे वाढल्याने सर्वसामान्य जनता हैराण झालेली आहे. दरम्यान, याबाबत कुणी लेखी तक्रार केल्यास त्यांच्यावर कडक कारवाई करण्याचा इशारा नायब तहसिलदार नितीन परदेशी यांनी दिला आहे.

पेण तालुक्याला पर्यायी तिसरी मुंबई म्हणून सर्वजण पसंदी देत आहेत. त्यामुळे पेण शहराच्या आजुबाजूला ग्रामीण भागात सर्रास बांधकाम सुरू आहेत. काही ठिकाणी उत्खनन करावे लागते तर काही ठिकाणी भराव करावा लागत आहे. या दोन्ही कामांसाठी स्वामित्व कर भरावा लागतो. परंतू अनेकदा हे सर्व व्यवहार बाहेरच्या बाहेर मिटवून सर्वसामान्यांची फसवणूक होताना दिसत आहे.

झटपट खरेदी खत करून देणे, एखाद्या दाखल्याची अथवा सातबार्‍याची कमतरता असल्याची तरतूद करून देणे यासाठी परस्पर पैसे घेतले जातात. मुंबई, नवीमुंबई, ठाणे या महानगरातून येणारे नागरिक पुन्हा फेरी मारायला लागू नये म्हणून नाईलाज म्हणून चिरीमिरी देऊन कामे करुन घेतात. मात्र, स्थानिक नागरिकांना याचा फटका बसतो. हाच प्रकार वन अधिकार्‍यांच्या कार्यालया बाहेर पहायला मिळतो. एकंदरीत काय तर दलालांच्या सुळसुळाटामुळे सर्व सामान्यांच्या खिशाल्या कात्री लागत आहे. तरी या दलालांचे आणि अधिकार्‍यांचे काही धागेदोरे आहेत का? याबाबत चौकशीची मागणी स्थानिक नागरिक जिल्हा अधिकार्‍यांकडे करणार आहेत.

कारवाईचा इशारा
या प्रकाराबाबत तहसिलदार स्वप्नाली डोईफोडे यांच्याशी संपर्क करण्याचा प्रयत्न केला असता त्यांच्याशी संपर्क होऊ शकला नाही. नायब तहसिलदार नितिन परदेशी यांच्याशी भ्रमन्ती ध्वनी वरून संपर्क केला असता त्यांनी सांगितले की, आमच्या कार्यालयाच्या परिसरात कुणी गैरमार्गी पैसे घेत असल्याबाबत तशा प्रकारची तक्रार झाली तर कायदेशीर कारवाई केली जाईल. तसेच स्टॅम व्हेल्डर सर्व सामान्यांकडून जास्तीचे पैसे घेत असतील तर त्यांच्या विरूध्द देखील कायदेशीर कारवाई केली जाईल. त्यामुळे कार्यालयाच्या परिसरात अवैध व्यवहार करणार्‍यांविरुध्द कारवाई केली जाईल, असा इशाराही त्यांनी दिला.