जासईत महाविकास आघाडीचा झंझावात

| चिरनेर | प्रतिनिधी |

रायगड जिल्हा परिषद व पंचायत समितीच्या सार्वत्रिक निवडणुकीच्या प्रचाराला वेग आला आहे. यावेळी जासई जिल्हा परिषद गटाचे महाविकास आघाडीचे उमेदवार डॉ. मनीष पाटील व चिर्ले पंचायत समिती गणातील महाविकास आघाडीच्या उमेदवार प्रियांका मढवी यांचा गणातील गावांसह आदिवासी वाड्या व परिसरात प्रचाराचा झंझावात सुरू आहे. दोन्ही उमेदवार व कार्यकर्ते घरोघरी जाऊन प्रचार पत्रकाचे वाटप करत आहेत. यादरम्यान, प्रत्येक गावागावात उमेदवारांचे जल्लोषात स्वागत होत आहे.

फेब्रुवारी 2007 मध्ये जिल्हा परिषदेच्या निवडणुकीत जासई मतदारसंघातून डॉ. मनिष पाटील यांनी रस्ते, पाणीपुरवठा, मूलभूत सुविधा यांवर भर देऊन, मोठ्या प्रमाणावर विकास कामे केली आहेत. आजही त्यांच्या विकासाचा धडाका सुरू आहे. मतदार संघातील मतदार हे जागृत मतदार आहेत. दरम्यान, जासई जिल्हा परिषद गटात व चिर्ले पंचायत समिती गणात महाविकास आघाडीच्या उमेदवारांनी प्रचारात निर्णायक आघाडी घेतली आहे. तालुक्यातील विंधणे, वेश्वीसह अनेक गावांमध्ये दोन्ही उमेदवारांच्या प्रचाराला सुरुवात झाली. यावेळी त्यांनी गावातील प्रत्येक मंदिरात जाऊन प्रचाराचा नारळ फोडला. यावेळी उमेदवारांनी आणि प्रमुख कार्यकर्त्यांनी नागरिकांबरोबर संवाद साधून, हाताचा पंजा व खटारा चिन्हा समोरील बटन दाबून निवडून देण्याचे आवाहन केले. प्रचारात महिला, तरुण मंडळी, जेष्ठ कार्यकर्ते स्वयंस्फूर्तीने सहभागी झाले होते.

यावेळी काँग्रेसचे जिल्हा उपाध्यक्ष रामनाथ पंडित, ज्येष्ठ नेते के.बी. पाटील, माजी सरपंच नामदेव पाटील, स्वाती मुंबईकर, सुरेश कडू, जासई विभाग अध्यक्ष विनोद पाटील, प्रकाश मुंबईकर, जगदीश पाटील, रवींद्र पाटील, परेश पाटील, शरद पालकर, महेंद्र मुंबईकर, अरविंद पाटील, राम पालकर, गोपाळ पाटील, अच्युत कडू, विकास पाटील, कैलास डाकी, सुरेश डाकी, सुनील मढवी, अविनाश पाटील, दिघोडेचे माजी सरपंच अविनाश पाटील, बी.एम. ठाकूर, रामकृष्ण नवाळे, गणेश पाटील, विनोद पाटील, किशोर पाटील, बळीराम नवाळे, सुमन पाटील, प्रेमनाथ ठाकूर, सूर्यकांत कासकर, समाधान जोशी, अभिजीत जोशी, अलंकार पाटील, दिनकर पाटील, शक्ति म्हात्रे, कैलास थळी, वैभव घरत, दत्तात्रेय नवाळे यांच्यासह महाविकास आघाडीचे अनेक पदाधिकारी व कार्यकर्ते उपस्थित होते.