। कर्जत । प्रतिनिधी ।
कर्जत विधानसभा निवडणुकीत महाविकास आघाडीचे उमेदवार नितीन सावंत यांच्या प्रचारार्थ नेरळ गावात प्रचार फेरी काढण्यात आली होती. या रॅलीत शिवसेना (उद्धव ठाकरे), काँग्रेस आणि राष्ट्रवादी (शरदचंद्र पवार) पक्षाचे कार्यकर्ते मोठ्या संख्येने सहभागी झाले होते.
कर्जत विधानसभा मतदारसंघातील महाविकास आघाडीचे उमेदवार नितीन सावंत यांच्या प्रचाराची फेरी नेरळ गावात आयोजित करण्यात आली होती. नेरळ गावातील टेप आळी, पाडा, मातोश्री नगर तसेच राजेंद्र गुरूनगर, ब्राम्हण वाडी, कुंभार आळी, बाजारपेठ, खांडा, मोहाची वाडी आणि ममदापुर ग्रामपंचायत हद्दीत जाऊन प्रचार करण्यात आला. यावेळी शिवसेना (उद्धव ठाकरे) पक्षाचे उप तालुका प्रमुख सुरेश गोमारे, तालुका उप संघटक सुधाकर देसाई, काँग्रेस पक्षाचे कर्जत तालुका अध्यक्ष संजय गवळी, राष्ट्रवादी (शरदचंद्र पवार) पक्षाचे नेरळ अध्यक्ष संतोष मिसाळ यांच्यासह प्रमुख कार्यकर्ते रॅलीमध्ये सहभागी झाले होते.
नेरळ गावात मविआची प्रचार फेरी
