रिसॉर्टमधील स्वच्छतागृहात छुप्या कॅमेऱ्याने रेकॉर्डिंग करणाऱ्याला अटक

। पनवेल । प्रतिनिधी ।

बाथरूममध्ये अंघोळ करण्यासाठी गेलेल्या महिलांचे व्हिडिओ शूटिंग करून अश्लील चित्रण अश्लील चित्रीकरण केल्याचा प्रकार उघड झाला आहे. याप्रकरणी रियान्स फार्म हाऊस मॅनेजर मनोज भगवान चौधरी राहणार. रांजणपाडा, खारघर याच्या विरोधात तळोजा पोलीस ठाण्यात गुन्हा दाखल करण्यात आला. पोलिसांनी मनोज चौधरी याला अटक केली.

पोलिसांनी दिलेल्या माहितीनुसार, पनवेलच्या रियांश फार्म हाऊसवर मागील आठवड्यात एक कुटुंब पिकनिकसाठी आलं होतं. त्या कुटुंबातील एक महिला रात्री फार्म हाऊसच्या वॉशरुममध्ये गेली होती. त्यावेळी बाथरुमच्या एका कोपऱ्यातून एक छोटीशी लाइट लुकलुकत असल्याचं तिने पाहिलं. तिला संशय आलाने तिने पुन्हा नीट पाहिल्यानंतर समजलं की, तो छोटासा स्पाय कॅमेरा होता. आरोपी मॅनेजर महिला आणि मुलींचे व्हिडिओ बनवायचा. त्याला अटक करुन कोर्टात हजर करण्यात आलं. आरोपीला तीन दिवसांची पोलीस कोठडी सुनावण्यात आली आहे. तळोजा पोलिसांनी या प्रकरणी तीन अन्य लोकांची चौकशी सुद्धा केली.

कुटुंबातील एक महिला वॉशरुमला गेली
आरोपीच नाव मनोज चौधरी आहे. तो 35 वर्षांचा आहे. धनसागर गावात तो रियांश फार्म हाऊस चालवायचा. मनोज, फार्म हाऊसवर येणाऱ्या महिलांचे गुप्त व्हिडिओ बनवायचा. एसपी विक्रम कदम यांच्यानुसार, एक कुटुंब पनवेलच्या रियांश फार्म हाऊसवर आलेलं. रात्री 2 च्या सुमारास कुटुंबातील एक महिला वॉशरुमला गेली. त्यावेळी स्पाय कॅमेरा दडवून ठेवल्याचं सत्य समजलं.

महिलेने तात्काळ आपल्या नातेवाईकांना या बद्दल कळवलं
घाबरलेली महिला जेव्हा तक्रार करण्यासाठी मनोज चौधरीच्या खोलीत गेली, तेव्हा तिने पाहिलं की मनोज तिथे काही महिलांचे व्हिडिओ पाहत होता. महिलेने नीट व्यवस्थित पाहिलं, तेव्हा तिला धक्का बसला. मोबाईलमध्ये तेच बाथरुमचे व्हिडिओ होते. महिलेने तात्काळ आपल्या नातेवाईकांना या बद्दल कळवलं. तळोजा पोलीस स्टेशनमध्ये याची तक्रार नोंदवण्यात आली आहे. पोलिसांनी तात्काळ कारवाई करत आरोपी मनोज चौधरीला ताब्यात घेतलं. त्याच्या मोबाइलची तपासणी सुरु आहे.

जवळपास 17 व्हिडिओ सापडले
तपासात आरोपीच्या मोबाइलमध्ये जवळपास 17 व्हिडिओ सापडले, अशी माहिती वरिष्ठ पोलीस निरीक्षक प्रवीण भगत यांनी दिली. चौकशीत आरोपीने मान्य केलं की, त्याने अनेक व्हिडिओ डिलिट केलेत. आम्ही सायबर एक्सपर्टच्या मदतीने डिलिट केलेला डेटा रिकव्हर करण्याची प्रोसेस सुरु केली आहे. काही अल्पवयीन मुलींचे व्हिडिओ सु्द्धा सापडले आहेत. आरोपी विरोधात तळोजा पोलीस ठाण्यात गुन्हा दाखल करण्यात आला. आरोपी मनोज चौधरीला पनवेल कोर्टात हजर करण्यात आलं. तिथे त्याला तीन दिवसांच्या पोलीस कोठडी सुनावण्यात आली आहे.