स्कूल व्हॅनमध्ये गॅस भरताना भीषण स्फोट
| नांदेड | प्रतिनिधी |
घरगुती गॅस सिलेंडरमधून कार किंवा रिक्षामध्ये गॅस अवैधरित्या भरला जात असतो. अशाच प्रकारे कारमध्ये गॅस भरताना गॅसचा स्फोट झाला. या स्फोटानंतर कारला आग लागल्याची घटना नांदेडमध्ये घडली आहे. यात तीन दुकाने व एक दुचाकी जळून खाक झाली असून, सुदैवाने यात जीवितहानी टळली आहे.
नांदेडच्या देगलूर तालुक्यातील वन्नाळी फाटा येथे सोमवारी (दि.18) रात्रीच्या सुमारास ही घटना घडली. घटनेत जळून खाक झालेली चार चाकी कार एका इंग्रजी शाळेतील मुलांची ने- आण करीत असते, अशी माहिती आहे. सुदैवाने गॅस भरताना या कारमध्ये कोणीही नव्हते. यामुळे कोणतीही दुर्घटना घडलेली नाही. मात्र, या घटनेत कार चालक गंभीररित्या भाजला आहे. विजय जोरगूलवार असे या जखमी कार चालकाचे नाव आहे. दरम्यान वन्नाळी फाटा येथे गॅस भरण्यासाठी कार चालक कार घेऊन गेला होता. गॅस भरत असताना अचानक गॅसचा स्फोट झाला. त्यानंतर कारने पेट घेतला. पेट घेतल्यानंतर आगीने रौद्ररूप धारण केले. गॅसचा भडका उडाल्याने कारसह आजूबाजूच्या तीन दुकानांना आग लागली. या घटनेत कारसह दुकानाचे मोठे नुकसान झाले आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.