बेपत्ता सुरज धोत्रे मृतावस्थेत सापडला

| महाड | प्रतिनिधी |

महाड एमआयडीसी खरवली येथील रहिवासी सुरज अर्जुन धोत्रे (29) हा दि.1 एप्रिलपासून बेपत्ता होता. याप्रकरणी त्याच्या पत्नीने दि.3 एप्रिल रोजी महाड एमआयडीसी पोलीस ठाण्यात हरवल्याची तक्रार दाखल केली होती. दरम्यान, पोलिसांकडून शोधमोहीम सुरू असतानाच शनिवारी (दि.4) सकाळच्या सुमारास सुरज धोत्रे याचा मृतदेह वरंध गावाच्या हद्दीत आढळून आला. भोरला जात असल्याचे सांगून तो घरातून मोटारसायकलवरून निघाला होता. मात्र, त्याचा मृतदेह रस्त्याच्या कडेला कुजलेल्या अवस्थेत सापडल्याने परिसरात एकच खळबळ उडाली आहे. हा मृतदेह सुमारे तीन दिवसांपासून तिथेच असल्याचा प्राथमिक अंदाज व्यक्त करण्यात येत आहे. त्यामुळे हा अपघात आहे की घातपात, याबाबत विविध चर्चांना उधाण आले आहे..