मोबाईल सतत Hang होतोय? वापरा या ट्रिक्स, स्मार्टफोन होईल फास्ट

मोबाईल हा आपल्या सर्वांच्या जीवनाचा एक महत्त्वाचा भाग बनला आहे. मोबाईल थोडावेळ जरी जवळ नसेल तर काहीतरी विसल्यासारखे सतत जाणवते. बऱ्याचदा मोबाईलचा सतत वापर झाल्याने मोबाईल हॅंग होतो असे अनेकदा आपण म्हणतो. काम करत असताना अचानक मोबाईल हॅंग झाल्यास चिडचिड होते. अनेकदा नुकसान होते. अशावेळी नेमके काय करावे, कशी काळजी घ्यावी याच्या काही टिप्सबद्दल माहिती देणार आहोत. ज्याच्या मदतीने फोनमध्ये होणारी हँगची समस्या दूर होईल आणि फोनचा प्रोसेसिंग स्पीड वाढेल. याशिवाय तुमचा स्मार्टफोन फास्ट होईल. चला तर जाणून घेऊया.

टिप्स –
आपण अॅप डाऊनलोड करतो पण त्याचा वापर होत नाही. मात्र यामुळे मोबाईलची रॅम फुल्ल होते. फोनमधील रॅमची क्षमता पूर्ण भरल्यानंतर मोबाईल हॅंग पडू शकतो. स्मार्टफोनमध्ये रॅम वाढवणे शक्य नसते. अशावेळी जे अॅप्स आपण वापरत नाही ते पहिला डिलीट करून टाका.

मोबाईल सुरु केल्यानंतर कॅशे फाइल्स (Cache Files) जमा होऊ लागतात. या फाइल्सदेखील जागा जादा व्यापतात. त्यामुळे या फाइल्स क्लिअर करा.

मोबाईलमध्ये जादा अॅप्स रन होत असतात. जर फोनमध्ये रॅम कमी असेल आणि अॅप्स रन करत असतील तर मोबाईल हॅंग होतो. बॅकग्राऊंडमध्ये कोणते अॅप्स चालू हे एकदा तपासा यानंतर ज्याचा वापर होत नाही असे अॅप्स काढून टाका.