राष्ट्रीय आरोग्य कायदा आणण्याच्या हालचाली सुरू

| नवी दिल्ली । वृत्तसंस्था ।
केंद्र सरकार नवीन राष्ट्रीय आरोग्य कायदा आणण्याच्या तयारीत, नैसर्गिक आपत्ती आणि आण्विक हल्ल्याचाही असेल समावेश केंद्रीय आरोग्य आणि कुटुंब कल्याण मंत्रालय आणि इतर सरकारी विभागांच्या अधिकार्‍यांनी नवीन राष्ट्रीय सार्वजनिक आरोग्य कायद्याच्या मसुद्यातील विविध तरतुदींना अंतिम रूप देण्याची प्रक्रिया सुरू केली आहे. मसुदा तयार झाल्यानंतर केंद्रीय मंत्रिमंडळाकडे पाठवण्यापूर्वी सल्लामसलत करण्यासाठी सार्वजनिक डोमेनमध्ये ठेवला जाईल. नवीन मसुद्यात अनेक परिस्थितींचा अभ्यास केला गेला आहे. यामध्ये सार्वजनिक आरोग्य आणीबाणी घोषित करण्याची तरतूद देखील आहे. राष्ट्रीय सार्वजनिक आरोग्य विधेयक संसदेच्या पावसाळी अधिवेशनात मांडले जाण्याची अपेक्षा आहे. प्रस्तावित राष्ट्रीय सार्वजनिक आरोग्य कायदा 2017 पासून कार्यान्वित आहे. हा कायदा मंजूर झाला की तो 125 वर्षे जुना महामारी रोग कायदा, 1897 ची जागा घेईल. जैविक हल्ला, नैसर्गिक आपत्ती, रासायनिक आणि आण्विक हल्ल्यांमुळे सार्वजनिक आरोग्य आणि आपत्कालीन परिस्थिती देखील या कायद्यांतर्गत कव्हर होईल.