मुंबै बँक प्रकरणः प्रवीण दरेकरांना अटकपूर्व जामीन मंजूर

। मुंबई । वृत्तसंस्था ।
विधान परिषदेचे विरोधी पक्षनेते प्रवीण दरेकर यांना हायकोर्टाकडून दिलासा मिळालाय. त्यांना अटकपूर्व जामीन मंजूर करण्यात आलाय. बोगस मजूरप्रकरणी दरेकरांना कोठडीची गरज नाही. माझ्या अशीलास मुद्दामपणे त्रास देण्याचा प्रयत्न होतोय, अशी प्रतिक्रिया दरेकरांच्या वकिलांनी दिलीय.

दरेकर यांना 11 एप्रिलला चौकशीसाठी हजर राहण्यासाठी नोटीस पाठवली होती. दरेकर यांच्याविरुद्ध एमआरए मार्ग पोलीस ठाण्यात गुन्हा दाखल करण्यात आला आहे. मुंबै बँक मजूर प्रकरणात मुंबई पोलिसांनी दरेकर यांना दुसर्‍यादा नोटीस बजावली होती.

दरेकर हे मुंबईतील माता रमाबाई आंबेडकर पोलीस ठाण्यात चौकशीसाठी हजर राहिले होते. या चौकशीदरम्यान त्याच्यावर दबाव असल्याने त्याच्याकडून ठोस माहिती मिळाली नव्हती. यामुळे पोलिसांनी त्यांना दुसर्‍यांदा चौकशीसाठी बोलावण्यात आल्याचे सांगण्यात आले होते.

आम आदमी पार्टीच्यावतीने दरेकर यांच्याविरोधात तक्रार नोंदवण्यात आली होती. मजूर नसतानाही याच प्रवर्गातून मुंबै बँकेच्या संचालकपदाची निवडणूक लढवून सरकारची फसवणूक केल्याचा आरोप त्यांच्यावर करण्यात आलाय. त्यानंतर दरेकर यांच्या विरोधात फसवणुकीचा गुन्हा नोंदवण्यात आला होता. यानंतर मुबई पोलिसांनी त्याच्या चौकशीला सुरूवात केली आहे.

Exit mobile version