न्यूझीलंड-एशिया चषक इनडोअर क्रिकेट स्पर्धा
इंडिया डेव्हलपमेंटचा सिंगापूरवर विजय
| बेंगलोर | वृत्तसंस्था |
न्यूझीलंड-एशिया चषक इनडोअर क्रिकेट उद्घाटनीय सामन्यात इंडिया डेव्हलपमेंट संघाने सिंगापूरवर 14 धावांनी दणदणीत विजय मिळवला. या सामन्यात इंडिया डेव्हलपमेंट संघाने निर्धारित 16 षटकामध्ये 64 धावा केल्या तर सिंगापूरला 16 षटकामध्ये 50 धावात रोखत इंडिया डेव्हलपमेंटने विजयी सलामी दिली.
जागतिक इनडोअर क्रिकेट महासंघाच्या मान्यतेने इंडियन इनडोअर स्पोर्ट्स फाउंडेशनंने बेंगलोर मध्ये न्यूझीलंड-एशिया कप इनडोअर क्रिकेट स्पर्धेचे आयोजन बेंगळुरू येथे केले आहे. या स्पर्धेत यजमानं भारतासह, न्यूझीलंड, श्रीलंका, युएई व सिंगापूर हे देश सहभागी झाले आहेत. या स्पर्धेत खुला गट व मास्टर्स (40+) गटाचे संघ सहभागी झाले आहेत.
इंडिया डेव्हलपमेंट विरुद्ध सिंगापूर या सामन्यात इंडिया डेव्हलपमेंट संघाच्या दर्शन (21 धावा 3 बळी), शुभम (13 धावा व दोन बळी) व चेतन शहा (12 धावा) यांनी चमकदार कामगिरी केली तर सिंगापूरच्या तमिम व विपुल यांनी (प्रत्येकी 15 धावा व 2 बळी) जोरदार लढत दिली होता मात्र इंडिया डेव्हलपमेंट संघाने विजयश्री खेचून आणली. दुसर्‍या एका सामन्यात श्रीलंकेने इंडियावर 69-67 असा दोन धावांनी निसटता विजय मिळवला. अतिशय अटीतटीच्या झालेल्या या सामन्यात इंडियाला पराभव स्वीकारावा लागला. तर आणखी एका सामन्यात न्यूझीलंडने युएईवर 110-68 असा 42 धावांनी दणदणीत विजय मिळवला.
सायंकाळच्या सत्रात इंडिया संघाने सिंगापूरचा 91 धावा करत 80 धावांनी पराभव केला. तर सिंगापूरला 16 षटकामध्ये फक्त 11 धावा करण्यात यश आले. सिंगापूरच्या 14 वेळा खेळाडूला बाद करण्यात इंडियाला यश आल्याने सिंगापूरला 70 धावांचा फटका बसला (प्रत्येक बाद खेळाडूमुळे 5 धावा कमी होतात.) तर इंडियाच्या फलंदाजीवेळी 4 खेळाडूंना बाद करण्यात सिंगापूरला यश आले. या सामन्यात इंडियाच्या धनुश (14 धावा, 4 बळी), आशिक (18 धावा, 1 बळी), नमशिद (15 धावा, 3 बळी) यांच्या कामगिरीच्या जोरावर सहज विजय मिळवला तर सिंगापूरच्या कार्तिकने (12 धावा, 2 बळी) केलेली खेळी प्रेक्षकांच्या लक्षात राहणारी ठरली.
उद्घाटन सोहळ्यास यावेळी टोनी वॅटिकन, अजय नाईक, मिलिंद पुंजा, जे के. महिंद्रा, क्षितिज वेदक, बाळ तोरसकर त्याचबरोबर इनडोअर क्रिकेट मधील पदाधिकारी व कार्यकर्ते उपस्थित होते.
