पेणमध्ये पोलिसांचे संचलन

। पेण । प्रतिनिधी ।

आगामी येणार्‍या गणपती उत्सवाचा विचार करून शहरात कोणताही अनुचित प्रकार घडू नये तसेच कायदा व सुव्यवस्था आबादीत रहावी यासाठी पेण पोलीस ठाण्याकडून संचालनाचे आयोजन करण्यात आले होते. पेण एसटी स्थानकापासून संचलनाला सुरूवात करण्यात आली. तसेच, पुढे धरमतर रोड, कोतवाल चौक, डॉ. बाबासाहेब आंबेडकर चौक, छत्रपती शिवाजी महाराज चौक, जामा मस्जिद खान मोहल्ला, भगवानदास चौक, खाटीक मोहल्ला, पंका पाटील चौक, राजू पोटे मार्ग, नगरपालिका चौक असे संचलन करत पुन्हा एसटी स्टँडकडून डीवायएसपी ऑफीस आवारात या संचलनाचे विसर्जन करण्यात आले. या संचलनात डी.वाय.एस.पी शिवाजी फडतरे, पोलीस निरिक्षक संदीप बागुल, सहाय्यक पोलीस निरिक्षक पाटील, महिला उपपोलीस निरिक्षक शिल्पा वेंगुर्लेकर याचा समावेश होता.