विद्यार्थ्यांसाठी उन्हाळी शिबिराचे आयोजन

| मुंबई | प्रतिनिधी |

मुंबई शहरातील जिल्हा क्रीडा अधिकारी कार्यालयांतर्गत असलेले जिल्हा क्रीडा प्रशिक्षण केंद्र, कुस्ती आणि जिम्नॅस्टिक्ससाठी उन्हाळी प्रशिक्षण शिबिराचे आयोजन करत आहे. तळागाळातील क्रीडा प्रतिभेला प्रोत्साहन देणे आणि योग्य मार्गदर्शन करणे, हा या विशेष उपक्रमाचा उद्देश आहे. मुंबई शहर जिल्हा क्रीडा अधिकाऱ्यांनी जिल्ह्यातील सर्व शाळा, महाविद्यालये आणि खाजगी क्रीडा क्लबमधील खेळाडूंना या सुवर्णसंधीचा लाभ घेऊन मोठ्या संख्येने शिबिरात सहभागी होण्याचे आवाहन केले आहे. मुंबई प्रशासनाने दोन्ही खेळांसाठी वेगवेगळ्या तारखांना आणि ठिकाणी प्रशिक्षणाची व्यवस्था केली आहे. जिम्नॅस्टिक्स प्रशिक्षण शिबिर 9 जून ते 18 जून 2026 या कालावधीत होणार आहे. यासाठी मुंबईतील वडाळा येथील बीपीसीए कॉलेजला प्रशिक्षण केंद्र म्हणून निश्चित करण्यात आले आहे. कुस्ती प्रशिक्षण शिबिर 15 जून ते 24 जून 2026 या कालावधीत माटुंगा येथील लाल बहादूर शास्त्री व्यायामशाळेत आयोजित केले जाईल. तुम्हाला किंवा तुमच्या मुलांना या उन्हाळी शिबिरात सहभागी व्हायचे असल्यास, अधिक माहिती आणि नोंदणीसाठी तुम्ही क्रीडा विभागाने दिलेल्या या क्रमांकांवर थेट संपर्क साधू शकता. सहभागी खेळाडूंकडून कोणतेही शुल्क आकारले जाणार नाही.