जिल्हास्तरीय कुस्ती स्पर्धांचे आयोजन

| पाताळगंगा | प्रतिनिधी |

कुस्ती महर्षी स्व. भाऊसाहेब कुंभार यांच्या स्मृती दिनानिमित्त तसेच गुरुपौर्णिमेच्या पार्श्वभूमीवर जिल्हास्तरीय कुस्ती स्पर्धांचे आयोजन खोपोली येथील महाराजा मंगल कार्यालय येथे आयोजित करण्यात आली होती. या स्पर्धेचा प्रथम क्रमांक श्लोक शरद ढवाळकर याने पटकावला आहे. या स्पर्धेचे अनावरण भारतीय खेल प्राधिकरणाचे वरिष्ठ प्रशिक्षक तथा द्रोणाचार्य पुरस्कार प्राप्त राजसिंग चिकारा यांच्या हस्ते करण्यात आले.

या स्पर्धेत प्रामुख्याने महाड, पनवेल, खोपोली, खालापूर, कर्जत, उरण पनवेल महानगरपालिका क्षेत्रातील 130 हून अधिक पुरुष व महिला कुस्तीपटूंनी सक्रिय सहभाग नोंदविला होता. यावेळी खालापूर तालुक्यातील माजगांव येथिल श्लोक ढवाळकर याने जिल्हा स्तरीय कुस्ती स्पर्धेत प्रथम क्रमांक पटकवला असून त्याचे सर्व स्तरातून कौतुक व अभिनंदन होत आहे. श्लोक आपल्या घराण्याचा वारसा पुढे घेऊन जात असून त्याचे काका रमेश ढवालकर यांनी देखील खुस्तीमध्ये गावाचे नाव जिल्ह्यात पुढे नेले होते. तसेच, श्लोकचे वडील शरद ढवालकर यांनी देखील शालेय स्पर्धेत कुस्तीमध्ये नाव लौकिक कमावले होते. आज झालेल्या खुस्ती स्पर्धेत मिळवलेले यश हे त्यांच्या घराण्यांचा वारसा चालवत असल्यांचे बोलले जात आहे.