संतापजनक ! पुण्यात शाळकरी मुलीवर लैंगिक अत्याचार

। पुणे । प्रतिनिधी ।

पुण्यातील विश्रांतवाडी परिसरात अल्पवयीन तरुणीवर अत्याचार झाल्याची धक्कादायक घटना उघडकीस आली आहे. मुनाकिब नासिर अन्सारी असे आरोपीचे नाव असून, त्याला पोलिसांनी ताब्यात घेतले आहे. 4 डिसेंबर रोजी हा प्रकार घडला असून, पीडित तरुणीच्या कुटुंबियांनी दिलेल्या तक्रारीनंतर पोलिसांनी कारवाई केली आहे. या घटनेमुळे पुण्यात एकच खळबळ उडाली आहे.

मिळालेल्या माहितीनुसार, आरोपी मुनाकिब अन्सारी हा महाविद्यालयीन विद्यार्थी असून त्याची आणि पीडित मुलीची ओळख काही दिवसांपूर्वी एका बसस्टॉपवर झाली होती. 4 डिसेंबर रोजी त्याने तिला “शाळेत सोडतो” असे सांगत विश्वासात घेतले आणि तिला आपल्या दुचाकीवर बसवले. मात्र, शाळेत न नेता, आरोपीने तिला एका खोलीत घेऊन गेला आणि तेथे जबरदस्तीने तिच्यावर अत्याचार केला. अत्याचारानंतर पीडित तरुणीने कुटुंबीयांना सर्व प्रकार सांगितला. कुटुंबीयांनी तत्काळ विश्रांतवाडी पोलीस ठाण्यात धाव घेत तक्रार दाखल केली. तक्रार दाखल झाल्यानंतर पोलिसांनी अल्पावधीत तपास सुरू करून आरोपीचा शोध घेतला व त्याला अटक केली. या प्रकरणी विश्रांतवाडी पोलिसांनी आरोपीविरोधात गुन्हा दाखल केला असून, पुढील तपास सुरू आहे.