डोंबिवली कबड्डी स्पर्धेत पाली विजेता

| पाली | गोमाशी |वार्ताहर |

सुधागड तालुका कबड्डी असोसिएशनच्या मान्यतेने नवतरुण सुधागड तालुका रहिवासी सेवा संघ डोबिवली यांच्यावतीने अक्षय्य तृतीयेच्या मुहूर्तावर भव्य तालुका स्तरीय कबड्डी स्पर्धाचे आयोजन डोंबिवली लोढा हेरिटेज मैदानात करण्यात आले होते.

या स्पर्धेचे उद्घाटन सरपंच चिवे रोहिदास साजेकर,सरपंच खवली सुधीर केदारी यांच्या हस्ते करण्यात आले .या स्पर्धेसाठी सुरज मराठे नगरसेवक डोंबिवली, नंदू परब,विजय नलावडे आदी मान्यवर उपस्थित होते.ही स्पर्धा यशस्वी होण्यासाठी सुधागड असोसिएशनचे, सुधागड वासीयांचे,खेळाडूचे, मंडळाचे पदाधिकारी, पंच मंडळी यांनी जे सहकार्य केले त्या सर्व मान्यवरांचे संस्थेचे अध्यक्ष जयेश ठाकूर यांनी विशेष आभार मानले.

या स्पर्धेत तालुक्यातील 16 संघांनी सहभाग घेतला होता.या स्पर्धेतील अंतिम विजयी संघ रनधुंरदर पाली हा ठरला . या संघास रोख रक्कम 21 हजार रु व आकर्षक चषक,तर उपविजेता भैरवनाथ नागशेत या संघास रोख रक्कम 15 हजार रु व आकर्षक चषक,तृतीय क्रमांक नाथभैरव झाप संघास रोख रक्कम 10 हजार रु व आकर्षक चषक,चतुर्थ क्रमाक उल्हास क्रीडा मंडळ आंबोळे या संघास रोख रक्कम 10 हजार रु व आकर्षक चषक देऊन मंडळाच्या वतीने गौरविण्यात आले.

या स्पर्धेतील सर्वोत्कृष्ट खेळाडू प्रणय सपकाळ( पाली) उत्कृष्ट चढाई गणेश तिडके(नागशेत)उत्कृष्ट पक्कड मनोज लहाने(झाप), पब्लिक हिरो वैभव दळवी (आंबोले) या खेळाडूंना मंडळाच्या वतीने आकर्षक चषक देऊन गौरविण्यात आले.या स्पर्धेचे समालोचन अलंकार मनवी याने केले.