विश्वचषकासाठी सर्वोत्तम, तंदुरुस्त संघ निवडा

कपिलदेव यांचा मौलिक सल्ला

नवी दिल्ली ,वृत्तसंस्था

खेळाडूंची अगोदरच चाचणी घ्यावी, अन्यथा संपूर्ण संघाला अडचणींना सामोरे जावे लागू शकते. प्रत्येक खेळाडूची चाचणी झाली पाहिजे. विश्वचषक अगदी जवळ आला आहे, पण तरीही तुम्ही खेळाडूंना संधी दिली नाही. ते विश्वचषकासाठी गेला आणि जखमी झाला तर? संपूर्ण संघाला याचा त्रास सहन करावा लागेल.यासाठी भारताने एक सर्वोत्तम आणि तंदुरुस्त संघ निवडला पाहिजे, असे स्पष्ट मत ज्येष्ठ क्रिकेटपटू कपिलदेव यांनी मांडले आहे.

एका खाजगी चॅनेल्सवरील कार्यक्रमात बोलताना त्यांनी आपली रोखठोक मते मांडली आहेत. किमान इथे त्यांना फलंदाजी किंवा गोलंदाजीची संधी मिळेल आणि त्याला थोडी लय प्राप्त करता येईल. सगळ्यात वाईट म्हणजे वर्ल्डकपदरम्यान त्यांना पुन्हा दुखापत झाली, तर संघाबाहेर राहिलेल्या खेळाडूंसोबत योग्य होणार नाही. पुनरागमन केलेल्या सर्व जखमी खेळाडूंना संधी द्यायला हवी. जर ते तंदुरुस्त असतील, तर ते विश्वचषक खेळू शकतात.असेही त्यानी सुचित केले.

आशिया चषक स्पर्धा ही संघाला विश्वचषकासाठी तयार करण्याची चांगली संधी आहे. प्रतिभेची कमतरता नाही, पण तो तंदुरुस्त नसेल तर भारताला आता विश्वचषकात बदल करण्याची संधी मिळेल. तुम्हाला विश्वचषक स्पर्धेसाठी संघ तयार करण्याची चांगली संधी आहे आणि आशिया कप हे एक चांगले व्यासपीठ आहे.

कपिल देव,माजी कर्णधार

कपिल देव पुढे म्हणाले, या खेळाडूंनी जावे आणि स्वत:ला व्यक्त करावे, अशी माझी इच्छा आहे. पण जर कोणत्याही प्रकारची शंका असेल, तर त्यांना आजूबाजूला राहण्याची गरज नाही. जर तुम्ही त्यांना संधी दिली नाही, तर ते खेळाडूंसोबतच निवडकर्त्यांसाठीही योग्य होणार नाही. मला माहित आहे की, विश्वचषक भारतात खेळवला जाईल, परंतु तुम्ही सर्वोत्तम आणि तंदुरुस्त संघ निवडला पाहिजे.अशी अपेक्षाही त्यांनी व्यक्त केली.