सीड बॉलच्या माध्यमातून जंगलात वृक्षारोपण

| खालापूर । वार्ताहर ।

सहजसेवा फाऊंडेशनच्या 7 व्या वर्धापन दिनी 7 जुलै 2024 रोजी सीड बॉलच्या माध्यमातून चिंचवली गोहे वनक्षेत्रात वृक्षारोपण करण्यात आले. नजीकच्या वनक्षेत्रात बियाण्यांच्या माध्यमातून नकळत रोपांची वाढ होण्यासाठी उपक्रम आयोजित करण्यात आला होता. यावेळी झुडपात असंख्य सीड बॉल टाकण्यात आले.

समाजासोबत आपण निसर्गाचे देणे लागतो. या भावनेने दरवर्षीप्रमाणे सीड बॉल हा उपक्रम संस्था राबवते. चिंचवली गोहे पोलीस पाटील दिनेश पाटील, सरपंच प्रकाश पाटील, श्रीराम पाटील, प्रविण पाटील, रमेश पाटील, एकनाथ पाटील, बळीराम पाटील, दिगंबर पाटील, संदिप पाटील, दिनेश पाटील, रामचंद्र पाटील तसेच प्राथमिक शाळेतील मुले करूणा पाटील, मयूर जैन, पार्थ यादव, प्रकाश तोंडे, राजेंद्र ढोरे, दमयंती कोळी, शोभा माने यांच्या सहकार्याने विस्तीर्ण वनक्षेत्र असलेल्या भागात सीड बॉल टाकण्यात आले.

समाजातील नामवंत व्यक्तींनी या उपक्रमात सहभाग घेतला तसेच, चिंचवली गोहे येथील बाळ गोपाळांनीदेखील आगळ्यावेगळ्या उपक्रमात मोठ्या प्रमाणात सहभाग घेतला.