मजगांव-वेळास्ते रस्त्याची दुरवस्था

| कोर्लई | वार्ताहर |

मुरुड तालुक्यातील मजगांव-वेळास्ते रस्त्याची खड्ड्यांमुळे पार दुरवस्था झाली आहे. आगामी येणाऱ्या गोकुळाष्टमी, गणपती सणांच्या पार्श्वभूमीवर संबंधित बांधकाम खात्याने याची तातडीने दखल घेऊन योग्य ती उपाययोजना करावी, अशी मागणी ग्रामस्थांच्यावतीने रामकृष्ण अंबाजी यांनी विद्यमान आमदारांसह तहसीलदार व ग्रामपंचायतीला निवेदनाद्वारे केली आहे.

या निवेदनात म्हटले आहे की, येथील मजगांव- वेळास्ते जोड रस्त्याची कामे नुकतीच करण्यात आली. त्यात नवीआळी रस्त्यावर पावसाळ्यात पडलेले खड्डे पाहाता काम निकृष्ट दर्जाचे झाल्याचे दिसून येत आहे. त्यामुळे ग्रामस्थ, ज्येष्ठ नागरिक, महिला, शालेय विद्यार्थी तसेच वाहनचालकांना नाहक त्रास करावा लागत आहे. आगामी येणाऱ्या गोकुळाष्टमी व गणेशोत्सव सणांच्या पार्श्वभूमीवर ग्रामपंचायत व संबंधित बांधकाम खात्याने यात तातडीने लक्ष पुरवून योग्य ती उपाययोजना करावी, अशी मागणी ग्रामस्थांच्यावतीने रामकृष्ण अंबाजी यांनी निवेदनाद्वारे केली आहे. या निवेदनाच्या प्रती विद्यामान खासदार व आमदारांसह तहसीलदार, गटविकास अधिकारी व मजगांव ग्रामपंचायतीला देण्यात आल्या आहेत.