पीव्ही सिंधू इंडोनेशिया ओपन बॅडमिंटनच्या दुसऱ्या फेरीत

| सिंगापूर | वृत्तसंस्था |

भारताची बॅडमिंटन स्टार पीव्ही सिंधू इंडोनेशिया ओपन बॅडमिंटन सुपर 1000 स्पर्धेच्या दुसऱ्या फेरीत पोहोचली आहे. जागतिक क्रमवारीत 12व्या स्थानावर असलेल्या सिंधूने मंगळवारी राउंड ऑफ 32 च्या सामन्यात थायलंडच्या बुसानन ओन्गब्रामंगफानला सरळ गेममध्ये 25-23, 21-16 असे हरवले. हा सामना 51 मिनिटे चालला. 30 वर्षीय सिंधू राउंड ऑफ 16 मध्ये तुर्कस्तानच्या नेस्लिहान आरिन आणि दक्षिण कोरियाच्या जागतिक क्रमवारीत नंबर-1 शटलर आन से-यौंग यांच्यातील विजेत्याशी खेळेल.

या सामन्यात सिंधूला पहिल्या गेममध्ये संघर्ष करावा लागला. ओन्गब्रामंगफानने तिला कडवी झुंज दिली. मात्र, भारतीय स्टारने हा गेम 25-23 ने आपल्या नावावर केला.पहिला गेम जिंकल्यानंतर सिंधूने दुसऱ्या गेममध्ये लय पकडली. तिने सुरुवातीपासूनच आघाडी घेतली. सिंधूने दुसरा गेम 21-16 ने जिंकून सामना आपल्या नावावर केला. महिला एकेरीत थोड्याच वेळात भारताची मालविका बनसोड थायलंडच्या पोर्नपावी चोचुवोंगशी खेळेल. आज पुरुष एकेरीत श्रीकांत किदाम्बी आणि लक्ष्य सेन यांचे सामनेही होतील. दुहेरी गटातही भारतीय जोड्या मैदानात उतरतील. ही बॅडमिंटन वर्ल्ड फेडरेशनची लेव्हल-1 बॅडमिंटन स्पर्धा आहे, जी वर्षातून एकदा होते. ही स्पर्धा पहिल्यांदा 1982 मध्ये खेळली गेली होती आणि तेव्हापासून यात जगातील सर्वोत्तम बॅडमिंटन खेळाडू भाग घेतात.