थळ येथे कव्वालीचे आयोजन

। सोगाव । वार्ताहर ।

अलिबाग तालुक्यातील थळ येथील हजरत पीर काजी अली शहा बाबा (र.ह.) उरूस गुरुवार दि. 1 व शुक्रवार दि. 2 फेब्रुवारी 2024 रोजी होणार आहे. थळ येथील उरूस निमित्ताने 1 फेब्रुवारी रोजी दुपारी दोन वाजता मिलाद शरीफ होणार आहे, तर दुपारी 3 वाजता संदल मिरवणूक होणार आहे, तसेच संध्याकाळी 7 वाजता संदल कार्यक्रम होणार आहे, यानंतर रात्री 8 वाजता जेवणाचा कार्यक्रम होणार आहे. तसेच शुक्रवार दि. 2 फेब्रुवारी रोजी रात्री 8 वाजता प्रसिद्ध गायक, कलाकार, टिव्ही स्टार, मैफिल-ए-प्रोग्राम यांच्यात जंगी मुकाबला कव्वालकार व मशहुर फंकार अनिस नवाब यांचा ’कव्वालीचा जल्लोष’ या कार्यक्रमाचे थळ बाजार उरूस कमिटी व थळ मुस्लिम समाजातर्फे भव्य आयोजन करण्यात आले आहे. या उरूस कार्यक्रमाला नागरिकांनी जास्तीत जास्त प्रमाणात उपस्थित राहून उरूस कार्यक्रमाचा आनंद घ्यावा, अशी विनंती थळ मुस्लिम समाजातर्फे करण्यात आली आहे.