मोठी बातमी! राहुल गांधी रायबरेलीतून चार लाख मतांनी विजयी

| रायबरेली | वृत्तसंस्था |

लोकसभा निवडणुकीचे निकाल काही ठिकाणी समोर आले आहेत. तर काही ठिकाणचे निकाल थोड्या वेळात स्पष्ट होतील. रायबरेली मतदारसंघातून काँग्रेसचे नेते राहुल गांधी यांचा तब्बल 4 लाख मतांनी विजय झाला आहे. तर त्यांच्या विरोधातील भारतीय जनता पक्षाचे दिनेश प्रताप सिंह यांचा पराभव झाला आहे.

उत्तर प्रदेशमध्ये भारतीय जनता पार्टीला मोठा धक्का बसला आहे. उत्तर प्रदेशमध्ये समाजवादी पक्षाची 36 जागांवर आघाडी आहे. तसेच, काँग्रेस 6 जागांवर आघाडीवर आहे. समाजवादी पक्ष आणि काँग्रेस मिळून इंडिया आघाडीला 42 जागांची आघाडी मिळाली आहे. तर भारतीय जनता पार्टी 35 जागांवर आघाडीवर आहे. उत्तर प्रदेशमध्ये एकूण लोकसभेच्या 80 जागा आहेत. भारतीय जनता पार्टीच उत्तर प्रदेशमध्ये सध्या सरकार आहे. मात्र, तरीही भाजपाला निम्या जागा मिळवण्यातही यश आले नाही.