मोठ्या प्रमाणात नुकसान
| कर्जत | प्रतिनिधी |
कर्जत नगरपरिषदेच्या अग्निशामक दलाच्या जवानांनी आग आटोक्यात आणली. लोकमान्य टिळक चौकात असलेल्या कपालेश्‍वर मंदिरा वरील पहिल्या मजल्यावर असलेल्या रायगड जिल्हा मध्यवर्ती सहकारी बँकेच्या शाखेला आग लागली. या घटनेची माहिती समजताच अग्निशमन दलाच्या जवानांनी आग आटोक्यात आणण्याचा प्रयत्न केला. मात्र पाणी संपल्याने आग विझविण्यात व्यत्यय आला. अग्निशमन दलाची गाडी पाणी भरण्यासाठी पुन्हा गेली. त्या दरम्यान सहाच्या सुमारास खोपोली नगरपरिषदेची अग्निशमन दलाची गाडी परंतु त्यामध्ये तांत्रिक बिघाड झाल्याने ती सुरू होऊ शकली नाही. त्यानंतर थोड्याच वेळात पाणी भरण्यासाठी गेलेली कर्जत नगरपरिषदेची अग्निशमन दलाची गाडी आली आणि जवानांनी आग विझविली.
बँकेत आग लागल्याचे माहिती मिळताच कर्जत पोलीस ठाण्याचे पोलीस उपनिरीक्षक सतिश शिंदे,पोलीस हवालदार प्रविण लोखंडे, पोलीस शिपाई गजानन केंद्रे, भरत पावरा, श्री कपालेश्‍वर ट्रस्टी अभिजित मराठे, प्रशांत कारूळकर, महेंद्र बोडके, सार्वजनिक गणेशोत्सव मंडळाचे निलेश परदेशी, सदानंद जोशी, विवेक भागवत हे घटनास्थळी पोहचले. अभिजित मराठे, निलेश परदेशी अन्य उपस्थित नागरिक यांनी आग विझवण्यासाठी शर्थीचे प्रयत्न करत होते, यावेळी बँकेचे माजी संचालक विलास थोरवे, संचालक राजेंद्र हजारे, कर्मचारी शाखाधिकारी संगीता भोईर, प्रमोद कुळकर्णी आणि कर्मचारी या ठिकाणी पोहचले.
नगराध्यक्षा सुवर्णा जोशी, उपनगराध्यक्ष अशोक ओसवाल, नगरसेवक बळवंत घुमरे, विवेक दांडेकर यांनी घटनास्थळाला भेट देऊन पाहणी केली. या आगीत बँकेतील कागदपत्रे, संगणक, फर्निचर व अन्य साहित्य जळून खाक झाले आहे. जिल्हा मध्यवर्ती बँकेत शिक्षक कर्मचारी, शेतकरी, सहकारी संस्था यांची खाती मोठया प्रमाणात आहे,खातेदारांची कोणत्याच प्रकारची होवू नये म्हणून सोमवारपासून मारुती मंदिराच्या इमारतीमध्ये बँक चालू करण्यात येईल अशी माहिती बँकेचे उपमुख्य कार्यकारी अधिकारी कमलाकर वाघमोडे यांनी दिली.
कर्जतमध्ये रायगड जिल्हा बँकेच्या शाखेला आग
