रायगड प्रेस क्लबचे पुरस्कार जाहीर

१७ वा वर्धापनदिन व पुरस्कार वितरण सोहळा होणार माणगावला | अलिबाग | विशेष प्रतिनिधी |
रायगड प्रेस क्लबच्या वतीने देण्यात येणाऱ्या पुरस्कारांची घोषणा रायगड प्रेस क्लबचे अध्यक्ष भारत रांजणकर यांनी जाहीर केले. आचार्य अत्रे राज्यस्तरीय युवा संपादक पुरस्कार बीड येथील झुंजार नेता दैनिकाचे संपादक अजित वरपे यांना तर रायगड प्रेस क्लबचा पत्रकारिता जीवनगौरव पुरस्कार कर्जत येथील ज्येष्ठ पत्रकार विजय मांडे, तसेच स्व. प्रकाश काटदरे स्मृती निर्भिड पत्रकार पुरस्कार अलिबाग येथील पत्रकार प्रफुल्ल पवार त्याचप्रमाणे जिल्हास्तरीय स्व. निशिकांत उर्फ नानासाहेब जोशी स्मृती ज्येष्ठ पत्रकार पुरस्कार मुरुड येथील मेघराज जाधव संतोष पवार स्मूती युवा पत्रकार पुरस्कार माणगाव येथील हरेष मोरे, सावित्रीबाई फुले महिला पत्रकारिता पुरस्कार पोलादपूर येथील सीमा मोरे, उत्कृष्ट छायाचित्रकार पुरस्कार पेण येथील प्रकाश माळी व महाड येथील प्रसाद पाटील यांना जाहीर करण्यात आला आहे.

१७ वा वर्धापनदिन व पत्रकारांनी केलेल्या कामाबद्दल त्याना पुरस्कार देऊन गौरवण्याचा कार्यक्रम रविवार १७ एप्रिल रोजी सकाळी ११ वाजता माणगांव येथे संपन्न होणार आहे.

याच सोहळ्यात पत्रकारांनी केलेल्या त्यांच्या कार्याबद्दल त्याना विविध पत्रकारांच्या नावाने दिल्या जाणाऱ्या पुरस्काराने गौरविण्यात येणार आहे. त्याचबरोबर श्रमिक पत्रकार संघातर्फे देण्यात येणारे पुरस्कारांमध्ये रसायनी येथील आनंद पवार, खालापूर येथील एस टी पाटील, श्रीवर्धनचे संतोष शिलकर आणि रोहा तालुक्यातील नंदकुमार मरवडे यांना देऊन गौरविण्यात येणार आहे.
या सोहळ्यासाठी रायगड सह इतर जिल्ह्यातून ही पत्रकार मोठ्या संख्येने उपस्थित राहावे असे आवाहन रायगड प्रेस क्लबचे अध्यक्ष भारत रांजणकर, कार्याध्यक्ष मनोज खांबे, सरचिटणीस शशिकांत मोरे, खजिनदार दरवेश पालकर, उपाध्यक्ष प्रशांत गोपाळे, मोहन जाधव आणि माणगाव प्रेस क्लबचे अध्यक्ष संतोष सुतार आणि सर्व पदाधिकाऱ्यांनी केले आहे.