कराटे स्पर्धेत रायगड द्वितीय

। पाली/गोमाशी । वार्ताहर ।

जपान कराटे असोसिएशन इंडियाच्यावतीने विभागीय स्तरावर कराटे चॅम्पियनशिप स्पर्धा सातार्‍यातील छत्रपती शिवाजी महाराज शाहू स्टेडियम येथे रविवार दि.29 सप्टेंबर रोजी घेण्यात आली. या विभागीय स्पर्धेत सातारा, रायगड, नांदेड, पुणे, कराड, धुळे जिल्ह्यातील विद्यार्थ्यांनी सहभाग घेतला होता. यावेळी रायगड जिल्ह्यातील 30 विद्यार्थी सहभागी झाले होते. या विद्यार्थ्यांनी एकूण 57 पदकांची कमाई केली असून यामध्ये काता, कुमिते या कराटे प्रकारात 18 सुवर्ण, 13 रौप्य, 26 कांस्यपदकांची कमाई केली आहे. विभागीय स्तरावरील कराटे चॅम्पियनशिप स्पर्धेत पवित्रा, अवनी, पूर्वा, निधी, क्रीशिव यांनी अमर यादव यांच्या मार्गदर्शनाखाली पदकांची कमाई केली आहे. त्यांच्या कामगिरीचे सर्व स्तरातून विशेष कौतुक होत आहे.